| e-texts navigator |
| བོད་ཡིག |
408a1 gang la grangs dang bgrang ba'ang yod ma yin// nam mkha'i dbyings ltar mnyam nyid mi gtong la// bdag dang sems can tha dad mi sems pa// gang dag khyad par
408a2 thob med de dag bde/ / gang dag sgyu mar gyur cing rmi lam spyod// rab tu ma rmongs mig yor lta bur gyur// 'jig rten dag na nu zla bzhin du spyod// gang dag kun tu mi brtson de dag bde// /
408a3 sems can gang dag mkhas la don dam lta// brda dang tha snyad snying po med par shes// rab tu zhi ba'i chos rnams rjes su rtogs// gang dog mtshan ma'i spyod yul ma yin de dag bde'o/
408a4 de nas bcom ldan 'das kyis tshe dang ldan pa shA ra dwa ti'i bu la legs so zhes bya ba byin te/ shA ra dwa ti'i bu 'di ltar shes rab zab pa la spyod pa'i chos la mchog tu gyur pa de legs so legs
408a5 so/ shA ri'i bu de bas na bya rgod kyi phung po'i ri 'di la/ dge slong dang byang chub sems dpa' ji snyed nang du yang dag 'jog la zhugs pa de dag thams cad khyod kyis sdus shig/ shA ri'i
408a6 bus gsol pa/ bcom ldan 'das bdag ni mi spro'o// de ci'i slad du zhe na/ glang po chen po dag ni mgu bar dka' ba'i slad du'o// de nas bcom ldan 'das kyis de'i tshe nyid kyi sku la
408a7 'od zer byung nas/ des 'jig rten gyi khams mtha' yas mu med pa na gnas pa'i byang chub sems dpa' rnams la bskul ba dang / bya rgod kyi phung po'i ri gang na ba dang / bcom ldan
iiif viewer powered by OpenSeadragon
Texts on this page
S105 - glang po'i rtsal zhes bya ba theg pa chen po'i mdo