rKTs

e-texts navigator

Volume

Page

372b₁ bu de'i dus la bab par shes na'o// de nas byang chub sems dpa' sems dpa' chen po byams pa bcom ldan 'das kyis gnang bas de'i tshe stan las langs te/ bla gos phrag pa gcig
372b₂ tu gzar nas/ pus mo g.yas pa'i lha nga sa la btsugs te/ bcom ldan 'das ga la ba der logs su thal mo sbyar ba btud nas/ bcom ldan 'das la 'di skad ces gsol to//
372b₃ sems can 'dod chags dang / zhe sdang dang / gti mug thams cad kyi bre nad can/ lta ba thams cad kyi rab rib dang / ling tog gi mun pas bsgribs pa thams cad kyi bro nang gso ba
372b₄ dang chos kyi mig bla na med pa yongs su sbyang ba'i slad du/ bcom ldan 'das chos kyi rnam grangs bstan pa 'di ni/ a la la rmad du byung ba chen po lags so// bcom ldan 'das
372b₅ kyis chos kyi rnam grangs bstan pa 'di ni/ a la la bdud rtsi chen po lags so// bcom ldan 'das chos kyi rnam grangs bstan pa 'di ni/ a la la sman pa'i rgyal po chen
372b₆ po lta bu lags so/ / tha na dud 'gro'i skye gnas su skyes pa yang rung ste/ gang dag gi rna lam du chos kyi rnam grangs 'di grag par gyur pa de dag ni/ dge ba'i rtsa ba chen po'i tshog
372b₇ bsags pa dag ste/ sems can thams cad las khyad par du 'phags pa lags/ sangs rgyas thams cad la lta ba dang ldan pa lags/ skye bo mang po la lhag par bgyi ba

_{iiif viewer powered by OpenSeadragon}

372a - 373a

Texts on this page