| e-texts navigator |
| བོད་ཡིག |
301a1 dag gis bla na med pa yang dag par rdzogs pa'i byang chub tu lung ston pa mthong ba de lta bu'i rdzu 'phrul mngon par 'du bya ba mngon par 'dus byas so/ / mthong nas kyang tshig 'di skad ces 'dzer te/
301a2 bcom ldan 'das ji tsam du byang chub sems dpa' sems dpa' chen po 'di gnyis sangs rgyas bcom ldan 'das dag gis legs par yongs su bzung ba lags te/ 'di ltar skyes bu dam pa 'di gnyis sangs rgyas
301a3 bcom ldan 'das 'di snyed cig gis lung ston pa ni ngo mtshar to/ / de nas bcom ldan 'das la/ byang chub sems dpa' pad+ma'i dpal gyi snying pos 'di skad ces gsol to// bcom ldan 'das rigs kyi bu 'am/
301a4 rigs kyi bu mo gang de bzhin gshegs pas gsungs pa'i mdo sde zab mo 'di 'dzin pa dang / 'chang ba dang / klog pa dang / kun chub par bgyid pa dang / gzhan dag la yang rgya cher yang dag par rab tu ston pa
301a5 de'i bsod nams ji snyed cig 'phel bar 'gyur/ bcom ldan 'das kyis bka' stsal pa/ rigs kyi bu khyod kyis de bzhin gshegs pa la yongs su 'dri ba'i gtam 'dis ci zhig bya/ de ci'i phyir zhe na/
301a6 rigs kyi bu sems can dman pa la mos pa de dag ni de bzhin gshegs pas gsungs pa la yid mi ches par 'gyur ba'i phyir te/ de ltar 'di dag yun ring por gnod pa dang / phan pa med pa dang / bde ba med pa dang /
301a7 log par ltung bar 'gyur ro// gsol pa/ bcom ldan 'das 'khor 'di na rigs kyi bu dang / rigs kyi bu mo dag rgya chen po la mos pa dang / mos pa mang ba dag kyang mchis/ srang ma'i skye bo rnams la
iiif viewer powered by OpenSeadragon
Texts on this page
S75 - 'phags pa sgyu ma lta bu'i ting nge 'dzin zhes bya ba theg pa chen po'i mdo