rKTs

e-texts navigator

Volume

Page

292b₁ / gser 'od seng ge rnam par rol pa'i rgyal po de'i gsung rab la/ 'jig rten gyi khams stong gi dbang phyug chos dang ldan pa chos kyi rgyal po dpal gyi gzi brjid ces bya ba'i rgyal po zhig byung ste/ pad+ma'i
292b₂ dpal gyi snying po rgyal po dpal gyi gzi brjid de la bu bye ba phrag brgya yod de/ rgyal bu gzhon nu de dag thams cad kyang skyes bu chen po'i mtshan nyi shu rtsa brgyad dang ldan par gyur to// de dag thams cad bla
292b₃ na med pa yang dag par rdzogs pa'i byang chub la yang dag par zhugs par gyur to/ / pad+ma'i dpal gyi snying po rgyal po dpal gyi gzi brjid kyi yongs su longs spyod pa'i skyed mos tshal ni bdun khri drug
292b₄ stong yod do/ / rgyal bu re re la yang longs spyod kyi skyed mos tshal khri khri yod do// bcom ldan 'das la/ byang chub sems dpa' pad+ma'i dpal gyi snying pos 'di skad ces gsol to// bcom
292b₅ ldan 'das sangs rgyas kyi zhing de na bud med mchis sam/ bcom ldan 'das kyis bka' stsal pa/ pad+ma'i dpal gyi snying po de ni med do// sangs rgyas kyi zhing de na bud med kyi ming yang mi grag
292b₆ ste/ rgyal po gzhon nu de dag thams cad kyang tshangs par spong pa las gyur pa rdzus te byung ba sha stag go// sems can de dag thams cad kyang bsam gtan gyi dga' ba dang / chos kyi dga' ba'i
292b₇ zas can yin te/ sangs rgyas kyi zhing de ni kha zas rags po med par gyur to// pad+ma'i dpal gyi snying po rgyal po dpal gyi gzi brjid de ni las gzhan med de/ bu de rnams dang lhan cig bcom ldan

_{iiif viewer powered by OpenSeadragon}

292a - 293a

Texts on this page