| e-texts navigator |
| བོད་ཡིག |
82a1 bden pa des/ / bya rgod kyi phung po'i ri'i kho ra khor yug na/ shing gang dag mchis pa de thams cad/ bcom ldan 'das kyi byang chub kyi snying po'i shing ji lta ba de bzhin du
82a2 gyur cing / de dag thams cad na byang chub sems dpa' gnas par gda' bar gyur cig/ brgya byin lhun po'i rtse mo 'dzin gyis tshig de smras ma thag tu/ de nas de'i tshe shing de dag thams cad byang
82a3 chub kyi snying po'i shing 'dra bar gyur to/ / byang chub kyi snying po'i shing de dag thams cad kyi drung na/ byang chub sems dpa' rnams gnas par yang snang ngo // byang chub kyi snying po'i shing de dag las
82a4 brgya byin lhun po'i rtse mo 'dzin khyod kyis ji skad smras pa de bzhin te/ da ltar dang phyi ma'i tshe la/ khyod dpa' bar 'gro ba'i ting nge 'dzin dkon mchog 'di rgyas par byed par 'gyur ro// zhes sgra byung
82a5 de nas lha dang / klu dang / gnod sbyin dang // dri za dang // lha ma yin dang / nam mkha' lding dang // mi 'am ci dang / lto 'phye chen po rnams kyis mgrin gcig tu tshig smras
82a6 pa gal te de bzhin gshegs pa'i sku tshe bskal par gnas par gyur la nyan thos kyi theg pa las brtsams te chos bshad nas/ chos bshad pa re re zhing yang de bzhin gshegs pas chos kyi
82a7 'khor lo bskor bas sems can ji stad btul ba de snyed kyi sems can dul bar gyur pa bas gang yang dpa' bar 'gro ba'i ting nge 'dzin 'di bshad pa'i tshe/ / sems can rnams kyi don bgyis pa
iiif viewer powered by OpenSeadragon
Texts on this page
S67 - 'phags pa dpa' bar 'gro ba'i ting nge 'dzin zhes bya ba theg pa chen po'i mdo