| e-texts navigator |
| བོད་ཡིག |
80b1 mthong ba de dag gi chos la gnas pa'i rnam par 'phrul pa de ni de lta ma yin te/ de dag ni ngo mtshar mi che'o// de nas de'i tshe bcom ldan 'das steng gi bar snang la shing ta la bdun
80b2 tsam du 'phags nas dkyil mo krung du bzhugs shing / sku las kyang 'od gang gis phyogs bcu thams cad du sangs rgyas kyi zhing dpag tu med pa/ grangs med pa/ snang bar 'gyur ba de
80b3 lta bu'i 'od gtong ba dang / thams cad dang ldan pa'i 'khor des// phyogs bcu na sangs rgyas bcom ldan 'das dpag tu med pa grangs med pa dag/ dpa' bar 'gro ba'i ting nge 'dzin
80b4 'di 'chad par mthong ngo / / chos 'chad pa de yang chud pa med cing lhag pa med par 'di nas thos so// sangs rgyas bcom ldan 'das de dag thams cad kyang steng gi bar snang la shing ta la
80b5 bdun tsam du 'phags nas skyil mo krung bcas shing bzhugs par snang ngo / / de dag thams cad kyis kyang sku las 'od btang bar snang ngo // sangs rgyas bcom ldan 'das de dag gi
80b6 'khor gang yin pa des kyang / de bzhin gshegs pa shAkya thub pa steng gi bar snang la skyil mo krung bcas te bzhugs par mthong ngo // de nas thams cad dang ldan pa'i 'khor
80b7 des de bzhin gshegs pa dgra bcom pa yang dag par rdzogs pa'i sangs rgyas shAkya thub pa ga la ba der me tog dang / phreng ba dang / spos dang / byug pa dag kyang 'thor bar snang ngo //
iiif viewer powered by OpenSeadragon
Texts on this page
S67 - 'phags pa dpa' bar 'gro ba'i ting nge 'dzin zhes bya ba theg pa chen po'i mdo