| e-texts navigator |
| བོད་ཡིག |
74a1 kyang bskyed la de sngon sdig pa'i las bgyis pas ni/ sems can dmyal bar yang mchi mod kyi 'on kyang de dpa' bar 'gro ba'i ting nge 'dzin gyi nang du yang chung bar mchi'o//
74a2 dgra bcom pa zag pa zad pa shin tu bslabs pa snod du ma gyur pas/ dpa' bar 'gro ba'i ting nge 'dzin la ci zhig bgyir mchis te/ bcom ldan 'das 'di lta ste dper na// sbrang
74a3 rtsi 'am/ mar ram/ 'bru mar gyi sbyin pa chen po bgyid pa'i tshe// mi mang po snod thogs te mchis pa las/ de na mi zhig dran pa nyams pas snod chag par gyur na/ de sbrang rtsi dang / mar dang /
74a4 'bru mar gyi sbyin gtong bgyi ba der mchis su lags kyang snod chug pa'i slad du ci bgyir yang ma mchis te/ de bdag ci yog pa zhig 'tshal nas mchi bar bas kyis// sems can gzhan dag
74a5 la 'drang bar bgyi zhing bstabs pa'i slad du/ blangs te mchi ni mi nus so// bcom ldan 'das mi gang dag snod dang ldan pa ni bdag kyang ci yog tu 'tshal la/ snod kyang yongs su bkang nas
74a6 blangs te mchis pas/ / sems can gzhan dag gi yang nye bar 'tsho ba lags so// bcom ldan 'das gzhan yang sbrang rtsi dang mar dang 'bru mar gyi sbyin gtong gi mchod sbyin zhes bgyi ba de ni/ de
74a7 bzhin gshegs pas gsungs pa'i chos 'dul ba'i tshig bla dgas so/ / snod chag pa'i mis ci yog par 'tshal te mchi ba rabs kyi/ blangs te mchi mi nus so zhes bgyi ba de ni nyan thos dang /
iiif viewer powered by OpenSeadragon
Texts on this page
S67 - 'phags pa dpa' bar 'gro ba'i ting nge 'dzin zhes bya ba theg pa chen po'i mdo