rKTs

e-texts navigator

Volume

Page

418a₁ yang dag pa'i rtsol ba dang / yang dag pa'i dran pa dang / yang dag pa'i ting nge 'dzin te/ dge slong dag 'di ni 'phags pa'i lam yan lag brgyad pa'o// de la yang dag pa'i
418a₂ lta ba gang zhe na/ gang 'jig rten las 'das pa/ bdag med pa'i lta ba las byung ba yin gyi/ sems can las ma yin/ srog las ma yin/ gso ba las ma yin/ skyes bu las ma yin/ gang
418a₃ zag las ma yin/ shed las skyes las ma yin/ shed bur lta ba las byung ba ma yin/ chad pa dang / rtag par lta ba las byung ba ma yin/ 'byung ba dang 'jig par lta ba las byung ba ma yin/ dge ba dang /
418a₄ mi dge ba dang / lung du ma bstan par lta ba las byung ba ma yin pa nas/ 'khor ba dang / mya ngan las 'das pa'i bar las lta ba las byung ba ma yin te/ 'di ni yang dag pa'i lta ba zhes bya'o// de la yang/
418a₅ dag pa'i rtog pa gang zhe na/ rtog pa gang dag gis 'dod chags dang / zhe sdang dang / gti mug gi nyon mongs pa rnams 'byung bar 'gyur ba'i rtog pa de dag la mi rtog gi/ rtog pa gang gis tshul khrims
418a₆ dang / ting nge 'dzin dang / shes rab dang / rnam par grol ba dang / rnam par grol ba'i ye shes mthong ba'i phung po rnams 'byung bar 'gyur ba de dag la rtog pa ste/ 'di ni yang dag pa'i rtog pa zhes bya'o// de
418a₇ la yang dag pa'i ngag gang zhe na/ ngag gang gis bdag dang gzhan la gdung bar mi byed pa dang / bdag dang gzhan la nyon mongs par mi byed pa dang / bdag dang gzhan la gnod par mi byed pa dang / ngag gang gis

_{iiif viewer powered by OpenSeadragon}

417b - 418b

Texts on this page