rKTs

e-texts navigator

Volume

Page

11b₁ 'byung ba chen pos ma bsdus pas na/ de'i phyir 'di dag ni yang dag pa ma yin no// 'di dag ni phung pos ma bsdus/ khams kyis ma bsdus/ skye mched kyis ma bsdus pas na/ de'i phyir/
11b₂ 'di dag ni yang dag pa ma yin no// 'di dag ni yang dag pa ma yin/ skyes pa ma yin/ byung ba ma yin pas ni/ de'i phyir 'di dag ni yang dag pa ma yin no// 'di dag ni yang dag pa ma yin
11b₃ te/ thog ma ji lta ba tha mar yang de bzhin par du yang de bzhin pas na/ de'i phyir 'di dag ni yang dag pa ma yin no// tshangs pa de bzhin gshegs pa 'di dag thams cad ni mnyam pa ste khyad
11b₄ bar med do/ / gsol pa/ bcom ldan 'das ci'i slad du ni/ de bzhin gshegs pa 'di dag thams cad mnyam ste/ khyad par ma mchis pa lags/ bcom ldan 'das kyis bka'
11b₅ stsal pa/ tshangs pa de bzhin gshegs pa 'di dag ni gzugs kyi de bzhin nyid kyis mnyam/ tshor ba dang / 'du shes dang / 'du byed dang / rnam par shes pa'i de bzhin nyid kyis
11b₆ mnyam pas na/ de'i phyir 'di dag ni mnyam mo// tshangs pa de bzhin gshegs pa 'di dag thams cad ni thog ma'i mtha'i de bzhin nyid kyis mnyam/ tha ma'i mtha'i de bzhin nyid kyis mnyam
11b₇ de ltar byung ba'i de bzhin nyid kyis mnyam mo/ / tshangs pa de bzhin gshegs pa 'di dag ni sgyu ma'i chos kyi de bzhin nyid kyis mnyam/ mig yor gyi chos kyi de bzhin nyid kyis mnyam pas na/

_{iiif viewer powered by OpenSeadragon}

11a - 12a

Texts on this page