| e-texts navigator |
| བོད་ཡིག |
275b1 rdul phra mo dang mnyam pa'i 'jig rten gyi khams su 'od ga zer chen po sprin gyis snang bar mdzad do/ / de'i tshe na phyogs bcu'i phyogs re re nas sangs rgyas kyi zhing brjod kyis mi lang ba
275b2 bye ba khrag khrig rgya stong bcu'i rdul phra mo dang mnyam pa'i byang chub sems dpa' sems dpa' chen po rnams 'ong bar gyur te/ byang chub sems dpa' re re yang bsam du med pa'i byang chub
275b3 sems dpa'i rnam par 'phrul pas 'ongs so/ / 'ongs nas kyang bcom ldan 'das la tshul dang 'dra ba'i mchod pa bsam du med par byas nas/ bdag gi smon lam gyi mthus skyes pa'i
275b4 pad+mo'i stan la bcom ldan 'das kyi spyan sngar/ bcom ldan 'das la mig mi 'dzum par lta zhing 'khod par gyur to// de'i tshe na yang snying po chos kyi dbyings kyi khang pa'i dbus na//
275b5 sa rin po che chen po'i pad+mo dang ldan pa'i seng ge'i gdan 'byung ba zheng du dpag tshad bye ba grangs med de/ bags kyis gzhol bar langs par gyur/ 'od de thams cad yod pa'i nor bu
275b6 rin po che ste/ glog dang sgron ma lta bu'i nor bu rin po che'i ra bas bskor ba/ rtsa ba nor bu rin po che'i 'od bsam du med pa ste/ dpe med pa'i nor bu rin po ches bskor ba/ mtha'
275b7 med pa'i las 'das pa'i 'phreng bas mdzes par byas pa/ nor bu rin po che dbang gi rgyal po'i dra bas kun nas g.yogs pa/ nor bu rin po che rnam pa sna tshogs kyis spras pa/
iiif viewer powered by OpenSeadragon
Texts on this page
S65 - 'phags pa sangs rgyas thams cad kyi yul la 'jug pa'i ye shes snang ba'i rgyan zhes bya ba theg pa chen po'i mdo