| e-texts navigator |
| བོད་ཡིག |
7a1 sdug bsngal dang mi mthun zhing / bde ba 'tshal la/ sems can thams cad ni bde ba don du gnyer ba lags te/ bcom ldan 'das shes rab ma gtogs
7a2 par/ gzhan sems can rnams kyi bde ba gang yang bdag gis ma mthong zhing / bcom ldan 'das byang chub sems dpa'i theg pa/ theg pa chen po ma gtogs par/ sems
7a3 can rnams kyi bde ba gang yang ma mchis te/ bcom ldan 'das bdag gis don gyi dbang 'di mthong bas/ sems can rnams la bde ba nye bar bsgrub pa'i slad du/ shes rab kyi pha
7a4 rol tu phyin pa zhu lags so/ / bcom ldan 'das byang chub sems dpa' rnams kyi don 'di yang dag par mthong bas/ bdag gis de bzhin gshegs pa la don 'di zhu lags so//
7a5 de skad ces gsol pa dang / bcom ldan 'das kyis/ byang chub sems dpa' sems dpa' chen po rab kyi rtsal gyis rnam par gnon pa la 'di skad ces bka' stsal to//
7a6 rab kyi rtsal gyis rnam par gnon pa legs so legs so// khyod skye bo phal po che la snying brtse ba'i phyir/ de bzhin gshegs pa la shes rab kyi pha rol tu phyin pa 'di 'dri ba ni khyod kyi yon
7a7 tan gyi mtha' gtogs par sla ba ma yin no/ / de'i phyir rab kyi rtsal gyis rnam par gnon pa legs par nyon la rab tu yid la zung zhig dang / ngas khyod la bshad do// bcom ldan 'das
iiif viewer powered by OpenSeadragon
Texts on this page
S16 - 'phags pa rab kyi rtsal gyis rnam par gnon pas zhus pa shes rab kyi pha rol tu phyin pa bstan pa