| e-texts navigator |
| བོད་ཡིག |
71b1 brtson 'grus dang / spo ba dang / mos pa dang / le lo med pa dang / dbang po bsdams pa dang / mu cor mi smra ba rab tu bsten par bya'o// dran pa nye bar gzhag pa dang /
71b2 mang du thos pa la sbyor bar bya'o// brtson 'grus brtsams la/ 'di lta bu'i yon tan 'di dag yongs su bskang ba'i phyir 'bad par bya'o// shA ri'i bu/ 'di lta bu'i chos
71b3 thos pa'i 'bras bu ni 'di ma yin te/ gang byang chub sems dpa' dang nyan thos 'di lta bu'i chos thos na/ bag med par mi 'gyur ba dang / yid ston par mi 'gyur ba dang /
71b4 'dun pa yongs su nyams pa dang / brtson 'grus bri ba dang / ma grims pa ston pa dang / gnod sems mang du 'gyur ba de ni thos pa'i 'bras bu ma yin no// de dag gis
71b5 'di lta bu'i chos 'di thos pa ma yin no/ / shA ri'i bu/ thos shes bya ba de ni yang dag pa'i nan tan gyi tshig bla dgas te/ log pa'i nan tan gyi ma yin no// shA ri'i bu/ log
71b6 par zhugs pas ni/ chos 'di thos par mi 'gyur ro// shA ri'i bu/ thos nas khyod don la mkhas shing / nan tan gyis gnas par bya'o// shA ri'i bu/ log par
71b7 zhugs pa rnams la rjes su 'thun pa'i bzod pa'ang med do/ / shA ri'i bu/ gang ji skad bstan pa'i chos 'di la log par mi sgrub pa de ni/ chos 'di la nan tan byed pa zhes bya'o// /
iiif viewer powered by OpenSeadragon
Texts on this page
S16 - 'phags pa rab kyi rtsal gyis rnam par gnon pas zhus pa shes rab kyi pha rol tu phyin pa bstan pa