| e-texts navigator |
| བོད་ཡིག |
69b1 ci log pa de yang dag pa ma yin no/ / gang yang dag pa ma yin pa de yang dag pa yongs su grub pa 'am/ mtshan nyid med do// shA ri'i bu/ gang de ltar shes pa de ni rnam par byang ba
69b2 zhes bya'o/ / kun nas nyon mongs pa nyid kyang mtshan nyid med na/ rnam par byang ba lta ci smos/ shA ri'i bu/ 'di lta ste/ kun nas nyon mongs pa 'am/ rnam par byang ba'i
69b3 chos 'di gnyis ni mtshan nyid med cing yongs su ma grub pa'o/ / shA ri'i bu/ chos thams cad ni mtshan nyid med cing yongs su ma grub pa ste/ de ni chags pa med pa zhes bya'o// chos
69b4 thams cad chags pa med pa'i mtshan nyid ces bya ba ni/ chos thams cad chags pa med pa yin na/ shA ri'i bu/ byis pa so so'i skye bo thams cad ni chags pa med pa la chags
69b5 so/ shA ri'i bu/ 'di ni chos thams cad chags pa med pa'i mtshan nyid de/ ye shes kyi spyod yul zhes bstan to// shA ri'i bu/ 'di ni shes rab kyi pha rol tu phyin pa'i spyod
69b6 yul lo/ / chags pa med pa'i mtshan nyid ye shes kyi spyod yul ni/ shes rab kyi pha rol tu phyin pa ste/ de'i phyir shes rab kyi pha rol tu phyin pa'i spyod yul mtha' yas shes
69b7 bya'o/ / gang chags pa med pa'i de'i yul dang spyod yul mtha' yas so// shA ri'i bu/ spyod yul zhes bya ba de ni/ spyod yul med pa'i chog bla dgaso so// shA ri'i bu/ shes
iiif viewer powered by OpenSeadragon
Texts on this page
S16 - 'phags pa rab kyi rtsal gyis rnam par gnon pas zhus pa shes rab kyi pha rol tu phyin pa bstan pa