| e-texts navigator |
| བོད་ཡིག |
66a1 bcom ldan 'das rnams kyis/ sangs rgyas kyi chos la nges par lung bstan te/ ji ltar da ltar nga seng ge'i sgra sgrog pa dang / 'jigs pa med pa'i sgra dang /
66a2 skyes bu chen po'i sgra dang / rang byung gi sgra sgrog pa bzhin du/ de dag kyang seng ge'i sgra sgrog par 'gyur ro// gang dag tha na chos 'di la dad pa bskyed nas/ bla na med pa yang dag
66a3 par rdzogs pa'i byang chub la 'dun pa skyed par 'gyur ba de dag gi chos bstan pa'ang de nyid yin no/ / de ci'i phyir zhe na/ shA ri'i bu/ sems can gang dag chos zab mo thos nas/
66a4 dga' ba skyed cing / mchog tu dga' ba dang / mos pa skyed pa de dag ni shin tu rnyed par dka' 'o// shA ri'i bu/ de bas kyang sems can gang chos zab mo thos nas kyang / bla na
66a5 med pa yang dag par rdzogs pa'i byang chub tu sems skyed cing mos pa skyed de/ dge ba chen po dang ldan pa ni shin tu rnyed par dka' ste/ shA ri'i bu/ shes rab kyi pha rol tu phyin pa
66a6 'di gang dag gi rna lam du thos par 'gyur ba dang / thos nas klog pa dang / mos pa dang / dga' ba dang / yid bde ba chen po skyed pa dang / phyi zhing nyan pa'i phyir chos
66a7 'di la 'dun pa skyed pa'i sems can de dag kyang / 'khor ba chen por zhugs par ngas ma bshad na/ lung nod pa dang / kha ton byed pa dang / gzhan la ston pa lta ci smos//
iiif viewer powered by OpenSeadragon
Texts on this page
S16 - 'phags pa rab kyi rtsal gyis rnam par gnon pas zhus pa shes rab kyi pha rol tu phyin pa bstan pa