| e-texts navigator |
| བོད་ཡིག |
19b1 phyin ci log ma yin par ro/ / ji ltar byis pa so so'i skye bo dag gis brtags pa de dag ni de bzhin du ma yin no// ji ltar byis pa so so'i skye bo dag gis rnyed pa de dag de bzhin du ma yin
19b2 te/ de'i phyir byang chub sems dpa' zhes bya'o// de ci'i phyir zhe na/ byang chub ni ma brtags rnam par brtags shing / byang chub mngon par ma bsgrubs la/ mi dmigs pa'i
19b3 phyir ro/ / rab kyi rtsal gyis rnam par gnon pa/ de bzhin gshegs pas ni byang chub ma brnyes so// chos thams cad mi rnyed cing / chos thams cad mi dmigs pa'i phyir byang
19b4 chub ces bya'o/ / de lta bu ni sangs rgyas kyi byang chub ces bya ste/ ji skad du brjod pa bzhin du ni ma yin no// rab kyi rtsal gyis rnam par gnon pa/ gang dag byang chub kyi phyir
19b5 sems 'od bskyed par bya'o/ / zhes byang chub tu sems bskyed pa dang / gang du bdag gis sems bskyed par bya ba'i byang chub de yod do// zhes byang chub rlom sems su byed
19b6 pa de dag ni/ byang chub sems dpa' zhes mi bya ste/ de dag ni sems can skyes pa zhes bya'o// de ci'i phyir zhe na/ 'di ltar de dag ni skye bar mngon par zhen cing
19b7 sems su mngon par zhen nas/ byang chub la mngon par zhen pa'i phyir ro// gang dag byang chub kyi phyir sems bskyed pa de dag ni/ byang chub kyi sems la mngon par zhen pa
iiif viewer powered by OpenSeadragon
Texts on this page
S16 - 'phags pa rab kyi rtsal gyis rnam par gnon pas zhus pa shes rab kyi pha rol tu phyin pa bstan pa