| e-texts navigator |
| བོད་ཡིག |
24b1 kyi pha rol tu phyin pa stong phrag nyi shu lnga pa bam po nga dgu pa/ / / bcom ldan 'das kyis bka' stsal pa/ yid la byed pas ni gal te 'dod pa'i khams sam/ gal te gzugs kyi khams
24b2 sam/ gal te gzugs med pa'i khams su 'dre bar 'gyur te/ yid la mi byed pas ni gang du yang 'dre bar mi 'gyur ro// de ltar rab 'byor byang chub sems dpa' sems dpa' chen pos shes rab kyi pha rol tu
24b3 phyin pa la spyod pa'i tshe/ chos gang dang yang 'dre bar mi bya'o// gsol pa/ bcom ldan 'das byang chub sems dpa' sems dpa' chen shes rab kyi pha rol tu phyin pa la de ltar spyod pa de gang la gnas par 'gyur
24b4 bcom ldan 'das kyis bka' stsal pa/ rab 'byor de ltar spyod pa'i byang chub sems dpa' sems dpa' chen po ni gzugs la gnas par mi 'gyur ro// tshor ba dang / 'du shes dang / 'du byed dang /
24b5 rnam par shes pa la gnas par mi 'gyur ro// skye mched dang / khams dang / rten cing 'brel par 'byung ba la gnas par mi 'gyur ro// pha rol tu phyin pa thams cad dang / stong pa nyid thams cad dang /
24b6 byang chub kyi phyogs kyi chos sum cu rtsa bdun la gnas par mi 'gyur ro// 'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar
24b7 pa brgyad dang / mthar gyis gnas pa'i snyoms par 'jug pa dgu dang / stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgo la
iiif viewer powered by OpenSeadragon
Texts on this page
S12 - shes rab kyi pha rol tu phyin pa stong phrag nyi shu lnga pa