rKTs

e-texts navigator

Volume

Page

99b₁ zab mo 'di mngon sum du thos nas/ sangs rgyas kyi zhing de dag tu yang srog chags brgya phrag mang po dang / srog chags stong phrag mang po dang / srog chags brgya stong phrag
99b₂ mang po bla na med pa yang dag par rdzogs pa'i byang chub tu yang dag par ston par 'gyur ro/ / yang dag par skul bar 'gyur ro// yang dag par gzengs bstod par 'gyur ro// yang dag par dga'
99b₃ bar byed par 'gyur ro/ / gsol pa/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas kyis 'das pa dang / ma 'ongs pa dang / da ltar byung ba'i chos
99b₄ rnams las chos gang thugs su ma chud pa de lta bu gang yang ma mchis la/ de bzhin nyid dang / chos nyid gang thugs su ma chud pa de lta bu gang yang ma mchis te/ sems can rnams kyi
99b₅ sems thugs su ma chud pa de ltar bu gang yang ma mchis pa de ni ngo mtshar che ste/ 'di ltar 'das pa'i byang chub sems dpa' rnams kyang yongs su mkhyen to// 'das pa'i
99b₆ de bzhin gshegs pa rnams kyang yongs su mkhyen to/ / 'das pa'i de bzhin gshegs pa rnams kyi sangs rgyas kyi zhing dang / nyan thos rnams kyang yongs su mkhyen to// ma byon pa'i de
99b₇ bzhin gshegs pa rnams kyi byang chub sems dpa' rnams kyang yongs su mkhyen to/ / ma byon pa'i de bzhin gshegs pa rnams kyi sangs rgyas kyi zhing dang / nyan thos rnams kyang yongs su

_{iiif viewer powered by OpenSeadragon}

99a - 100a

Texts on this page