| e-texts navigator |
| བོད་ཡིག |
81a1 po bzhi'ang de bzhin gshegs pa ni bdag cag gis sprul pa'i bkod pa na bzhugs so snyam du shes/ lha rnams kyi dbang po brgya byin yang de bzhin gshegs pa ni bdag gis
81a2 sprul pa'i bkod pa na bzhugs so snyam du shes par 'gyur ba de lta bu'i rdzu 'phrul mngon par 'du mdzad pa mngon par mdzad do/ / rgyal po'i khab kyi grong khyer chen po de na gzhan mu stegs
81a3 can dang / spyod pa pa dang / kun tu rgyu dang / bram ze dang / khyim bdag gang dag gis thos pa de dag ni ngo mtshar du gyur nas/ 'khor gyi khyams der song ste/ de ring dge sbyong go'u ta ma la
81a4 mtho 'tsham pa blta bar bya'o snyam mo/ / rgyal po'i khab kyi grong khyer chen po de na dad pa'i dge slong dang / dge slong ma dang / dge bsnyen dang / dge bsnyen ma gang dag 'khod pa de dag ni
81a5 'khor gyi dkyil 'khor der dong nas/ de ring de bzhin gshegs pa la bgam pa'ang mnyan par bya/ cho 'phrul chen po'ang blta bar bya'o snyam mo// de nas sgyu ma mkhan
81a6 bzang pos nga rgyal dang / rgyags pa dang / khengs pa nges par bcom nas/ bcom ldan 'das kyi zhabs la mgo bos phyag 'tshal te/ bcom ldan 'das la 'di skad ces gsol to//
81a7 bcom ldan 'das rnam par mtho ba tsam pa'i bsam pa chen pos de bzhin gshegs pa 'dir gshegs su gsol ba gang lags pa'i nongs pa 'chags so// bcom ldan 'das gzhan yang
iiif viewer powered by OpenSeadragon
Texts on this page
S11.21 - 'phags pa sgyu ma mkhan bzang po lung bstan pa zhes bya ba theg pa chen po'i mdo