rKTs

e-texts navigator

Volume

Page

78a₁ rlung gi dkyil 'khor chus 'debs zhes bya ba gang gis na/ sreg pa'i bskal pa'i tshe char 'bebs par byed pa dang / rlung gi dkyil 'khor lhag par skems shes
78a₂ bya ba gang gis na/ chus 'jig rten lhag par skems par byed pa yod do// mo'u 'gal gyi bu ngas rlung gi dkyil 'khor las brtsams te/ bskal pa 'am/ bskal pa las
78a₃ lhag par chos bstan kyang de bzhin gshegs pas rlung gi dkyil 'khor las brtsams te chos bstan pa las mtha' thug pa med do/ / mo'u 'gal gyi bu 'di ji snyam du sems/ sgyu ma
78a₄ mkhan bzang pos rlung gi dkyil 'khor de dag gi nang du 'dug par nus sam/ gsol pa/ ma lags so// bcom ldan 'das kyis bka' stsal pa/ mo'u 'gal gyi bu nga ni rlung gi
78a₅ dkyil 'khor de dag thams cad kyi nang du spyod lam bzhis gnas par byed do/ / de bzhin gshegs pa ni bzhed na rlung gi dkyil 'khor thams cad yungs 'bru gcig gi nang du 'jog par mdzad/ 'jug
78a₆ par mdzad la/ yungs 'bru de'ang rnam par 'jig par mi 'gyur zhing / yungs 'bru de'i nang du rlung gi dkyil 'khor de dag thams cad kyi bya ba thams cad kyang nye bar ston par mdzad la/
78a₇ rlung de dag phan tshun thug par yang mi 'gyur/ ltung bar yang mi 'gyur ro// mo'u 'gal gyi bu nga ni sgyu ma'i chos nyid de lta bu dang / de ma yin pa gzhan yang tshad med pa dang ldan no//

_{iiif viewer powered by OpenSeadragon}

77b - 78b

Texts on this page