| e-texts navigator |
| བོད་ཡིག |
47a1 la yod pa'i yon tan rnams ni rab tu byung ba'i byang chub sems dpa' stong la'ang med do/ / de nas bcom ldan 'das la/ tshe dang ldan pa kun dga' bos 'di
47a2 skad ces gsol to/ / bcom ldan 'das chos kyi rnam grangs 'di'i ming ci lags/ 'di ji ltar gzung bar bgyi/ bcom ldan 'das kyis bka' stsal pa/ kun dga' bo de'i phyir chos kyi rnam
47a3 grangs 'di drag shul can gyis zhus pa zhes bya bar zung zhig/ khyim pa dang rab tu byung ba'i bslab pa la bsgrub pa zhes bya bar yang zung zhig/ lhag pa'i bsam pas bla ma la bsnyen bkur bya ba'i
47a4 le'u zhes bya bar yang zung zhig/ kun dga' bo chos kyi rnam grangs 'di thos ma thag tu byang chub sems dpa' yon tan dang / brtson 'grus dang / chos mang po rab tu 'thob ste/ brtson 'grus
47a5 zhan pas bskal pa brgyar tshangs par spyad pa la gnas pas ni de ltar ma yin no/ / kun dga' bo de bas na bdag kyang 'di la brtson 'grus bskyed par 'dod pa dang / gzhan yang brtson 'grus
47a6 la gzud par 'dod pa dang / bdag kyang yon tan gyi chos mnyam pa nyid thams cad la gnas par 'dod pa dang / gzhan yang yon tan gyi chos mnyam pa nyid thams cad la dgod par 'dod pas
47a7 chos kyi rnam grangs 'di mnyan par bya/ / kun chub par bya/ bklag par bya/ gzhan dag la'ang rgya cher yang dag par rab tu bstan par bya'o// kun dga' bo ngas chos kyi rnam grangs 'di yang dang
iiif viewer powered by OpenSeadragon
Texts on this page
S11.19 - 'phags pa khyim bdag drag shul can gyis zhus pa zhes bya ba theg pa chen po'i mdo