rKTs

e-texts navigator

Volume

Page

7b₁ bud med la skyes pa'i tshig dang / skyes pa la bud med kyi tshig gis chung ma nyid dam mdza' na mo nyid du smyan byed na/ tha na thang 'ga' phrad pa la yang rung ste/ chos 'di ni dang pos ltung bar 'gyur ba 'byung ba dang bcas/
7b₂ pa ste dge 'dun lhag ma'o// yang dge slong ma gang khros shing zhe sdang bar gyur nas/ ci nas kyang 'di tshangs par spyod pa dang dpral lo snyam nas/ dge slong ma dag pa ltung ba med pa la gzhi med par pham par 'gyur ba'i
7b₃ chos kyis skur pa las/ de dus gzhan zhig na dris kyang rung / ma dri kyang rung // rtsod pa de yang gzhi med pa yin la/ dge slong ma yang zhe sdang la gnas shing zhe sdang gis smras so zhe na/ chos 'di yang dang pos
7b₄ ltung bar 'gyur la/ 'byung ba dang bcas pa ste dge 'dun lhag ma'o// yang dge slong ma gang khros shing zhe sdang bar gyur nas/ ci nas kyang 'di tshangs par spyod pa dang dpral lo snyan nas// dge slong ma dag pa
7b₅ ltung ba med pa las gzhan gyi cha ma yin pa dang mthun pa/ pham par 'gyur ba'i chos kyis skur pa las/ de dus gzhan zhig na dris kyang rung / ma dros kyang rung // rtsod pa de yang gzhan gyi cha ma yin
7b₆ pa dang mthun pas/ bag tsam las bsams pa tsam gyis blangs par gyur la/ dge slong ma yang zhe sdang la gnas pas zhe sdang gis smras so zhe na/ chos 'di yang dang pos ltung bar 'gyur la/ 'byung
7b₇ ba dang bcas pa ste dge 'dun lhag ma'o/ / yang dge slong ma gang chags par gyur la/ skyes pa chags par gyur pa las ci yang rung bal gir byed na/ chos 'di yang dang pos ltung bar 'gyur la/ 'byung ba

_{iiif viewer powered by OpenSeadragon}

7a - 8a

Texts on this page