| e-texts navigator |
| བོད་ཡིག |
4a1 dang lhag ma ji tsam pa de tsam mo/ / 'phags ma dag rga ba dang 'chi ba mngon par 'ong shing ston pa'i bstan pa yang 'jigs par 'gyur/ chos kyi ri rab kyang 'jig par 'gyur// chos
4a2 kyi shing ljon pa'ang chag par 'gyur/ chos kyi 'khor lo yang nyams par 'gyur/ chos kyi sgron ma'ang 'chi bar 'gyur// chos kyi rgya mtsho yang skams par 'gyur la/ ma rig pa'i mun gnag ni mthu che bar 'gyur/
4a3 sgrub par byed pa ni yongs su nyams par 'gyur te/ sgrub pa po dag med na yun mi ring bar 'jig rten 'di na snang ba med par 'gyur bas de'i phyir/ 'phags ma dag bag yod pas rnal 'byor du bya'o// de bzhin
4a4 gshegs pa dgra bcom pa yang dag par rdzogs pa'i sangs rgyas rnams kyi byang chub dang / gzhan yang gang dag de lta bu dang mthun pa'i dge ba'i chos byang chub kyi phyogs kyi chos rnams kyang bag yod pas 'thob
4a5 bo/ / bcom ldan 'das kyi nyan thos kyi dge 'dun ni don nyung ba bya ba nyung ba yin pas dge 'dun thog mar bya ba ci yod/ 'phags ma dag ma lhags pa rnams la 'dun pa dang yongs su dag pa dris shig/ dris
4a6 nas kyang brjod par bya'o/ / shAkya seng ge de la ni// sor mo bcu yis thal sbyar nas// so sor thar pa gdon par byas// gdul ba'i don du nga las nyon// thos nas drang srong chen po yis// ji skad gsungs bzhin
4a7 bsgrub bya zhing / / khan mtho phra rnams la// brtun cing byed pa nyid du gyis// rtag tu 'bad pas bda' ba yi// sems b+hab blan dka' ba la// mthun pa'i gzer rnon brgyab pa yi// srab ni so sor thar 'di yin// che bgang
iiif viewer powered by OpenSeadragon
Texts on this page
S4 - dge slong ma'i so sor thar ba'i mdo