| e-texts navigator |
| བོད་ཡིག |
37a1 'on kyang de la bu yang med cing / bu mo yang med par gyur to// des nas des n+ya gro d+ha'i drung du song ste/ n+ya gro d+ha la gsol ba btab pa dang / de nas khyod byung ngo // de'i phyir khyod n+ya gro
37a2 d+ha zhes btags so/ / khyod kyang bu med na de kho na ltar gyis shig/ de nas bram ze shing sA la chen po lta bu n+ya gro d+ha/ shing n+ya gro d+ha ga la ba der song ste byin nas/ shing n+yamo d+ha'i drung du chag chag dang phyag dar legs
37a3 par byed du bcug ste/ spos dang / me tog dang / bdug pas bkang nas/ rgyal mtshan dang / ba dan bsgreng du bcug go// de nas bram ze brgyad brgya zan byin te/ ras yug chen bskon nas/
37a4 rjes la shing la gnas pa'i lha la gsol ba btab pa/ bdag la bu rnyed par spro ba skyed du gsol/ gal te bdag la bu mchis na/ lo gcig bzhin 'di 'dra bar khyod la mchod pa dpag tu med pa bgyi'o//
37a5 gal te ma mchis na ljon shing 'di pu shel ci'i rtsa ba tsam gyi bar lus pa yang gshegs nas/ dum bu dum bur byas la/ zhogs ma zhogs mar bzhogs te/ rlung dang nyi ma gnyis la bskams nas me
37a6 bsreg go/ bsregs nas thal ba rlung chen po la phyar ba 'am/ chu klung chen po drag por gtor ro// lha de yang dbang chung ba yin pas/ gsol ba btab pa na ni/ mgu ba dang / dga' ba dang / yid rab tu
37a7 dga' ba dang / stobs dang ldan pa yin la/ bsdigs pa na ni/ bdag gnas nas bskrad par mi 'gyur grang zhes 'jigs par 'gyur to// lha de yang rgyal po chen po bzhis kun tu zin pa yin pas
iiif viewer powered by OpenSeadragon
Texts on this page
S5 - dge slong ma'i 'dul ba rnam par 'byed pa