| e-texts navigator |
| བོད་ཡིག |
20b1 bu mo 'am/ kun tu rgyu 'am/ kun tu rgyu mo la rang gi lag nas bza' ba dang / bca' ba byin na ltung byed do// yang dge slong ma gang dmag chas pa la ltar 'gro na ltung byed do// dge slong ma dmag chas pa
20b2 la ltar 'gro ba de lta bu'i rkyen 'ga' zhig byung na/ dge slong ma des dmag de'i nang du zhag gnyis tshun chad gnas par bya'o// de las lhag par gnas na ltung byed do// dge slong ma zhag gnyis dmag de'i nang
20b3 na gnas pa'i tshe yang gal te bshams pa 'khrug tu 'gro 'am/ rgyal mtshan gyi tshogs mchog gam/ dpung gi tshogs sam/ g.yul bshams pa'i dmag la lta ba nyams su myong bar byed na ltung byed do// yang
20b4 dge slong ma gang khros 'khrugs brngam par gyur te yid ma rangs nas dge slong ma brdeg na ltung byed do/ / yang dge slong ma gang khros 'khrugs brngam par gyur te yid ma rangs nas dge slong ma la brdeg par gzas
20b5 na/ tha na thal mos kyang rung ste ltung byed do// yang dge slong ma gang shes bzhin du dge slong ma'i gnas ngan len gyis ltung ba 'chab na ltung byed do// / sdom la/ bde dang me dang 'dun
20b6 pa dang / bsnyen par ma rdzogs chos dang sgra// dge tshul kha dog bsgyur ba dang // rin po che dang tsha ba'i dus/ yang dge slong ma gang klan ka tshol zhing / ci nas kyang dge slong ma las
20b7 klan ka btsal bar bya'o/ / snyam pa de nyid rkyen du byas te/ dge slong ma la 'di skad ces/ 'phags ma tshur shog/ khyod khyim dag tu 'dong dang // der khyod la bca' ba dang bza' ba bsod pa ji tsam
iiif viewer powered by OpenSeadragon
Texts on this page
S4 - dge slong ma'i so sor thar ba'i mdo