rKTs

e-texts navigator

Volume

Page

8a₁ yin pa'i phyir te/ dge slong 'di gang la 'dod cing bzod pa de la/ bdag cag kyang 'dod cing bzod do zhes zer na/ dge slong de dag la dge slong rnams kyis 'di skad ces/ tshe dang
8a₂ ldan pa dag khyed cag de skad ces tshe dang ldan pa dag khyed cag dge yang rung / sdig kyang rung / dge slo 'di la ci yang ma smra zhig/ de ci'i phyir zhe na/ tshe dang ldan pa dag dge slong 'di ni chos smra ba/ 'dul ba
8a₃ smra ba/ dge slong 'di ni chos dang 'dul ba yang dag par blangs nas rab tu bzung ste/ rjes su tha snyad 'dod par byed pa/ dge slong 'di ni shes bzhin du smra'i/ mi shes par ma yin pa'i phyir te/ dge slong
8a₄ 'di gang la 'dod cing bzod pa de la bdag cag kyang 'dod cing bzod do zhes ma zer cig/ de ci'i phyir zhe na/ tshe dang ldan pa dag dge slong 'di ni chos smra ba ma yin/ 'dul ba smra ba ma yin gyi/ tshe dang ldan
8a₅ ba dag dge slong 'di ni chos ma yin pa smra ba/ 'dul ba ma yin pa smra ba/ dge slong 'di ni chos ma yin pa dang / 'dul ba ma yin pa yang dag par blangs nas rab tu bzung ste/ rjes su tha snyad 'dogs
8a₆ par byed pa/ dge slong 'di ni mi shes bzhin du sgra'i/ shes par smra ba ma yin pa'i phyir te/ dge slong 'di gang la 'dod cing bzod pa de la tshe dang ldan pa dag 'dod cing bzod par ma byed cig/ tshe dang ldan
8a₇ pa dag khyed dge 'dun 'byed 'dod par ma byed par/ tshe dang ldan pa dag dge 'dun mthun pa nyid du 'dod par gyis shig/ tshe dang ldan pa dag dge 'dun dang mthun par gyis shig/ dge 'dun mthun mi phyed

_{iiif viewer powered by OpenSeadragon}

7b - 8b

Texts on this page