rKTs

e-texts navigator

Volume

Page

5a₁ smra bas de de bzhin du 'dzin to/ / sdom la/ mi tshangs spyod dang brku ba dang // mi la gsad par mi bya dang // brdzun du smra dang bcas pa yi// chos bzhi
5a₂ 'dir ni gsungs pa yin/ / tshe dang ldan pa dag pham par 'gyur ba'i chos bzhi po 'di dag ni/ zla ba phyed phyed cing so sor thar pa'i mdo 'don pa las 'byung ngo // yang dge slong gang dge slong rnams dang
5a₃ lhan cig bslab pa mtshungs par gyur pas/ bslab pa ma phul bslab pa nyams par ma byas par mi tshangs par spyod pa 'khrig pa las byung ba'i chos bsten na tha na dud 'gro'i skye gnas su skyes pa dang lhan cig
5a₄ kyang rung ste/ dge slong de pham par gyur pa yin gyis gnas par mi bya'o// yang dge slong gang gzhan dag gi grong na 'dug pa'am/ dgon pa na 'dug pa ma byin pa brku ba'i grangs su gtogs pa blangs na
5a₅ ji tsam ma byin par blangs pas de rgyal po'am/ blon po chen pos bzung nas de la 'di skad ces kye mi khyod ni rkun ma'o// byis pa'o// blun pa'o// brku ba'o zhes zer zhing / gsod dam/ 'ching
5a₆ ngam/ spyugs kyang rung ste/ dge slong de de ltar ma byin par len na dge slong de yang pham par gyur pa yin gyis gnas par mi bya'o// yang dge slong gang mi 'am mir chags pa la bsams bzhin du rang gi
5a₇ lag dar te srog bcad dam/ de la mtshon byin nam/ de la mtshon thogs pa gnyer ram/ de 'chir gtsug gam/ de la 'chi ba'i sngags pa brjod kyang rung ste/ de la 'di skad ces kye mi khyod

_{iiif viewer powered by OpenSeadragon}

4b - 5b

Texts on this page