| e-texts navigator |
| བོད་ཡིག |
3a1 nyid du gyis/ / rtag tu 'bad pas 'da' ba yi// sems rta kha lan dka' ba la// 'thun pa gzer rnon brgya pa yi// srab 'di so sor thar 'di yin// che ba gang dag ngag tsam gyis// ldog cing 'tshams las mi 'da'
3a2 ba/ / de dag mi rta bzang po ste// nyon mongs g.yul las des rgyal 'gyur// su la srab 'di med pa dang // nam du'ang 'dod par mi 'gyur ba// de dag nyon mongs g.yul gyis dkrugs// 'jog bral rnam par 'khyam par 'gyur/
3a3 dge 'dun 'phags ma rnams gsan du gsol// deng dge 'dun gyi gso sbyong bcu bzhi pa 'am bcwa lnga pa lags te// gal te dge 'dun gyi dus la bab cing bzod na dge 'dun gyis gnang bar mdzod cig dang / deng dge 'dun gso sbyong
3a4 mdzad de/ so sor thar pa'i mdo gdon pa gdon to// 'di ni gsol ba'o// 'phags ma dag bdag cag gso sbyong bya ste/ bdag gis so sor thar pa'i mdo gdon pa gdon gyis legs par nyon la rab tu yid la gyis shig dang bdag gis byed
3a5 la bshad do/ / khyed cag su la ltung ba yod pa de mtho la cig/ ltung ba med na cang mi smra shig/ cang mi smra na bdag gis 'phags ma dag yongs su dag par rig par bya'o// ji ltar so sor dris nas dge slong mas lan btab pa de bzhin du
3a6 dge slong ma'i 'khor 'di lta bur yang lan gsum gyi bar du bsgrag par bya ba yin no/ / yang dge slong ma gang dge slong ma'i 'khor 'di lta bur lan gsum gyi bar du bsgrags pa na ltung ba yod la dran bzhin du mi mthol na de shes bzhin
3a7 du brdzun du smra ba yin no/ / 'phags ma dag shes bzhin du brdzun du smra ba ni bcom ldan 'das kyis bar du gcod pa'i chos su gsungs so// de bas na dge slong ma ltung ba byung ba rnam par dag par 'dod pas ltung ba yod la dran
3a8 bzhin du mthong ba mthol bar bya'o/ / mthol na bde ba la reg par gnas par 'gyur ro// ma mthol ma bshags na mi 'gyur ro// 'phags ma dag bdag gis so sor thar pa'i mdo gdon pa'i gleng gzhi bton zin to// de la bdag
iiif viewer powered by OpenSeadragon
Texts on this page
Q1033 - dge slong ma'i so sor thar ba'i mdo