rKTs

e-texts navigator

Volume

Page

225b₁ snga ma 'das pa'i sangs rgyas mya ngan las 'das nas dgung lo bdun lags nas dam pa'i chos kyi gzugs brnyan nub na/ bcom ldan 'das shAkya thub pa mya ngan las 'das pa'i 'og tu dam pa'i chos ji tsam gyi bar du gnas par
225b₂ 'gyur/ de nas bcom ldan 'das kyis bka' stsam pa/ 'di lta bu'i the tsom zhus pa legs so// legs par nyen cig dang / ngas bshad par bya'o// dmya ngan las 'das nas dam pa'i chos kyi gzugs brnyan le nyi stong du gnas
225b₃ par 'gyur ro/ / byang chub sems dpa' zla ba'i snying pos gsol pa/ bcom ldan 'das dam pa'i chos 'di tha mar ji ltar nub par 'gyur/ chu ci las nyams/ sras ma mchis par bgyid/ bka' stsal pa/ mya ngan las 'das pa'i 'og tu
225b₄ lo lnga brgya'i bar du nga'i bstan pa la spyod pa'i sems can rnams grol ba mang du 'gyur ro/ / de nas lo lnga brgya'i bar du ting nge 'dzin la spyod pa mang du 'gyur ro// rgyal po dang blon po dang / sems can phal rnams kyang dam pa'i chos la
225b₅ dad cing spyod pa yang phyir zhing nyung bar 'gyur ro/ / de nas lo lnga brgya'i bar du dam pa'i chos ston cing sems can 'dren pa dang / thar par byed pa'i slob dpon mang du 'byung ngo // nyan thos dgra bcom pa ni nyung bar 'gyur ro// rgyal po dang
225b₆ blon po dang / sems can phal rnams kyang nyan pa tsam du zad de/ nyams su len cing spyod pa 'am/ brtson 'grus ni mi byed de/ dad pa 'bri bar 'gyur ro// dam pa'i chos kyi bsrungs ma rnams kyang mi dga' bar 'gyur te/ dam pa'i chos
225b₇ la ma dang pa'i sems can rnams ni sngon pas mthu stobs skye bar 'gyur ro/ / 'dzam bu'i gling gi mi'i rgyal po rnams kyang phan tshun cig la gcig dmag 'a dren cing 'khrug par 'gyur ro// bdud kyi ris kyang 'phel bar 'gyur ro//
225b₈ de nas yang lo lnga brgya'i che lo sum brgyar ni dam pa'i chos la gnas pa'i lha klu la sogs pa sems can bsrungs ma rnams mi gnas shing dam pa'i chos gang du dar bar 'gro bar 'gyur// sems can chos la ma dad par 'gyur/

_{iiif viewer powered by OpenSeadragon}

225a - 226a

Texts on this page