| e-texts navigator |
| བོད་ཡིག |
204a1 byang chub sems dpa' blo gros mi zad pas gsol pa/ bcom ldan 'das bdag gis ni sems can thams cad la zad pa mi shes pa'i dbyings kyi don mthong bar bstan par spro'o// byang chub sems
204a2 dpa' zla ba'i bus gsol pa/ bcom ldan 'das bdag ni sems can thams cad la bla na med pa'i bde ba sbyin par bgyi bar spro'o zhes byang chub sems dpa' de dag so so nas dam bcas so// byang chub yongs su
204a3 brgyan cing sems can thams cad la phan zhing bde ba dang / sangs rgyas kyi bka' drin dran zhing sangs rgyas kyi bka' drin bsab pa'i phyir stan las langs nas thal mo sbyar ba btud de/ sangs rgyas kyi mdo sde 'di
204a4 bdag cag la gtang du gsol zhes gsol to/ / de'i tshe tshe dang ldan pa kun dga' bos 'di skad ces gsol to// bcom ldan 'das mdo sde 'di'i mtshan ci zhes bgyi/ ji ltar yongs su bzung / bcom ldan
204a5 'das kyis kun dga' bo la bka' stsal pa/ mdo sde 'di'i ming dge ba'i dngos po kun bsdu ba zhes kyang bya/ thabs mkhas pa chen po zhes kyang bya/ dgongs pa dam pa'i spyod pa zhes kyang bya/ sangs rgyas
204a6 drin lan bsab pa zhes kyang bya'o/ / bcom ldan 'das kyis kun dga' bo dang / byang chub sems dpa' sems dpa' chen po rnams la 'di skad ces bka' stsal to// khyed rnams ji ltar bstan pa bzhin du
204a7 nan tan du spyod cig/ sangs rgyas kyis yongs su gdams pa'i le'u 'di bstan pa'i tshe nyan thos bdun khri nyis stong gis bla na med pa'i byang chub tu sems bskyed par gyur to// gzhan yang lha dang klu dang /
204a8 gnod sbyin dang dri za dang / mi 'am ci dang / lto 'phye che chen po dang / mi dang mi ma yin pa dang / de la sogs pa thams cad sangs rgyas kyis gsungs pa la rjes su yi rang bar gyur to// thabs mkhas pa
iiif viewer powered by OpenSeadragon
Texts on this page
Q1022 - thabs mkhas pa chen po sangs rgyas drin lan bsab pa'i mdo