rKTs

e-texts navigator

Volume

Page

302a₁ phyir rgyal bu rgyal byed kyi tshal du 'ongs so// phyis lo bdun lon pa dang bram ze de'i khyim du 'ongs te/ bram ze de la bu blangs pa dang bram ze des kyang shA ri'i bu la phul lo// shA ri'i bus kyang de bzhes nas rgyal
302a₂ bu rgyal byed kyi tshal du khrid de de/ tshul du bcug nas dam pa'i chos rnam pa sna tshogs bstan pas/ sems rnam par grol te dgra bcom par gyur nas/ mngon par shes pa drug dang yon tan kun dang ldan par gyur to// dus gzhan zhig
302a₃ na dge tshul gyun te shes stos kyis tshe snga ma la ci byas pa lus 'di thob nas slob dpon dang phrad de 'bras bu thob par gyur pa rtags na/ tshe snga ma la khyi ltogs pa zhig byed pa las bdag slob dpon shA ri'i bu'i drin gyis mi'i lus dang
302a₄ 'bras bu thob pa mthong zhing rtogs nas rab tu dga' ste 'di snyam du bsams so/ / bdag ni slob dpon 'di'i drin gyis sdug bsngal ba las thar bar gyur to// nga bdag nam 'tsho ba'i bar du slob dpon gyi bsnyen bkur bya ba'i phyir// dge tshul
302a₅ bya'i bsnyen par rdzogs par mi bya'o snyam bsams so/ / de'i tshe kun dga' bos bcom ldan 'das la gsol pa/ dge tshul 'das sngon 'das pa'i dus na sdig pa'i las ci bgyis pas khyi'i lus su gyur/ dge ba'i las ci bgyis na
302a₆ rnam par grol bar 'gyur/ bcom ldan 'das kyis kun dga' bo la bka' stsal pa/ sngon 'das pa'i dus na sangs rgyas 'od srungs kyi tshe/ dge slong dag cig lhan cig 'khod pa las dge slong gzhon nu skad snyan pa gcig yod de bstod
302a₇ ba dang dbrangs len na/ thams cad thos par dag 'o da'i tshe na dge slong rgan po zhig yod pa skad ma snyan te/ 'on kyang bstod pa dang tshigs su bcad pa dbyangs dang bcas te byed do// dge slong rgan po de ni dgra bcom pa zhig ste/ dge slong gi
302a₈ yon tan thams cad dang ldan no/ / dus gzhan zhig na dge slong gzhon nu dbyangs snyan pa des dge slong rgan po dbyangs mi snyan pa de la/ khyod kyi dbyangs ni khyi gzugs pa dang 'dra'o zhes smad pa'i tshig smras so// de nas dge slong

_{iiif viewer powered by OpenSeadragon}

301b - 302b

Texts on this page