rKTs

e-texts navigator

Volume

Page

242a₁ 'din brtson 'grus zhen pa dang // blo chang shes pa med pa yis// mdud pa thams cad rab gtubs pa'i// mya ngan 'das pa thob mi 'gyur// khyod kyis grwa 'di'i cha phyags dang // 'di mi yang bar 'gyur bltar/
242a₂ de bzhin zhe sdang 'dod chags spangs// de nas mya ngan 'das pa 'thob// sngon chad byung ba mi 'byung zhing // mabyung ba dag 'byung bar 'gyur// mabyung 'byung bar mi 'gyur la// da ltar byung ba'ang yod ma yin// blta ka' /
242a₃ med bder mi mthong // bden pa rab rtogs shes pa dang // sred dang 'ga' ba med mthong ba// 'di 'dra 'di ni sdug bsngal mtha'// sred pa rnams ni bcad pa dang // 'dod chags rab tu spangs pa dang // mtsho ba skams nas
242a₄ ni mi 'bab pa/ / 'di 'dra 'di ni sdug bsngal mtha'// lus zhig tshor ba bsil bar gyur// 'du shes 'gag cing 'du byed ni// rnam par shes pa nub gyur pa// 'di 'dra 'di ni sdug bsngal mtha'// ltabs mthong bar
242a₅ g+har tsam dang / / nyan pas thos par gyur pa tsam// rtogs par byed pas rtogs tsam dang // rnam par shes pas rnam shes tsam// 'di 'dra 'di ni sdug bsngal mtha'// 'di dang ma dang gdungs rab gdungs// 'di 'dra
242a₆ 'di ni sdug bsngal mtha'/ / ma re ma dga' ra ba zhe dang // kun tu 'dod chags bral gyur pa// 'di 'dra 'di ni sdug bsngal mtha'// rten pa yod pas spyod par 'gyur// spyod pa yod pas gzhol bar 'gyur ro// gzhol
242a₇ yod pas shin du ma sbyangs par 'gyur ro/ / shin du ma sbyangs pa yod pas 'gro ba dang 'ong bar 'gyur ro// 'gro ba dang 'ong ba yod pas gzhan du shi 'pho len par 'gyur ro// gzhan du shi 'pho blangs pas 'di ltar gzhan
242a₈ du skye ba dang / rga ba dang / na ba dang / 'chi ba dang / mya ngan dang / sgra sngags 'don pa dang / sdug bsngal ba dang / yid mi bde ba dang / 'khrug pa 'byung zhing 'di ltar sdug bsngal gyi phung po chen po 'ba' shig po 'di 'byung bar 'gyur/

_{iiif viewer powered by OpenSeadragon}

241b - 242b

Texts on this page