| e-texts navigator |
| བོད་ཡིག |
231a1 'khor yangs pa spangs pa'i rgyal po ltar// gcig pus spyad bya sdig pa mi bya'o// bdag dang 'thun par spyod pa yi// grogs bzangs rnyed par ma gyur na// byis pa grogs su mi 'gyur bas// gcig pus
231a2 spyod pa brtan par bya/ / byis pa grogs su mi 'gyur bas// gcig pu spyod par byed bla bas// ma tad dgon pa'i glang po ltar// sems khral bsnyungs te gcig pu spyad// 'khu ba'i choms te bcu bzhi pa'o// // sangs
231a3 rgyas kyis ni bstan pa bzhin/ / gang zhig dbugs dbyung rngub dran pa// yongs su rdzogs par legs bsgoms pas// rim gyis yongs su byang gyur te// sprin bral nyi ma zla ba ltar// 'jig rten 'di na kun nas gsal// 'greng dang /
231a4 'dug dang de bzhin nyal ba dang // lus dang de bzhin sems ni 'jog byed cing // dge slong dran pa de legs 'jog pa na// snga phyi'i khyad par rnams ni thob par 'gyur// snga phyi'i khyad par rnams ni thob gyur na// 'chi ba dag rgyal pos
231a5 bltar yang med par 'gro/ / lus rtogs dran pa nye bar bzhag nas su// reg pa'i skye mched drug ni bsdam byas te// gang zhig rtag tu mnyam par 'jog byed pa// de dag nyid kyis mya ngan 'das pa rtogs// gang zhig rtag tu
231a6 rnam pa thams cad du/ / lus gtogs dran pa nye bar 'jog byed pa// bdag nyid med cing bdag gir 'dzin pa med// bdag tu mi 'gyur bdag gir 'dzin mi 'gyur// de ltar dge slong mnyam 'jog myur du ni// yul la
231a7 sred pa dag las rgal bar 'gyur/ / gang zhig dran dang shes bzhin mnyam 'jog dang // dga' dang rab tu dad pas dus dus su// chos 'di la spyod mel tse byed par// starga rnams las rgal bar 'gyur zhes gsung // de ltas
231a8 rtag tu mel tse byed ston cing / / dge slong mkhas pa dran ldan brtson pa yis// skye ba kun du sbyor ba spangs nas su// des ni 'di la mya ngan 'das pa 'thob// gnyid log de dag sad par byed pa yi// mel tse bdag las khyod nyan
iiif viewer powered by OpenSeadragon
Texts on this page
Q992 - ched du brjod pa'i tshoms