| e-texts navigator |
| བོད་ཡིག |
224b1 bdag dgos gzhan la gnod mi bya/ / thams cad la yang srog 'di sdug/ thams cad chad pas 'jigs pa na// rang gi nyams las dpag gyis te// brdeg par mi bya bsad mi bya// rgyang thag bcad par spags pa'i ni//
224b2 ring nas nye zho med 'ongs na// gnyen bshes mdza' bo lhags nas su// a la la zhes mngon par dga'// de bzhin bsod nams byas pa'i mi// 'jig rten 'di nas pha rol tu// phyin tshe gnyen bzhin bsod nams dag/ 'ongs nas mngon
224b3 par dga' bar byed/ / de bas 'jig rten pha rol gyi// ched du bsod nams bsags par gyis// bsod nams 'jig rten pha rol tu// lus can rnams kyi gnas su 'gyur// gang zhig legs spyad spyod byed pa'i// dge la lha rnams
224b4 bstod par byed/ / 'di na'ang smad par mi 'gyur la// mtho ris su yang dga' ba 'thob// chos gnas tshul khrims phun sum tshogs// ngo tsha shes shing bde bar smra// rang gi bya ba byed pa la// skye bo gzhan rnams dga' bar byed// rang gi don
224b5 ni byed pa la/ / 'di ltar gzhan rnams dga' 'gyur zhing // mthong ba'i chos la bsngags pa dang // pha rol tu yang bde 'gror 'gyur// gtams na gnang ba'i tshig smra dang // mi rigs spyod las zlog pa la// dam pa rnams ni dga' bar
224b6 byed/ / dam pa ma yin dga' mi 'gyur// de bas mchog dang mchog min pa// shi 'phos bral bar gyur pa na// dam pa ma yin dmyal bar 'gro// dam pa mtho ris 'gro bar 'gyur// sdug pa'i tshoms te lnga pa'o// // bsngags
224b7 par 'gyur dang nor 'thob dang / / pha rol bde 'gror dga' 'gyur ba'i// bde ba gsum po don gnyer ba'i// mkhas pas tshul khrims bsrung bar bya// 'phags dang mthong ba phun tshegs dang // 'jig rten zhi ba rten 'gyur ba'i// gnas
224b8 gzhan 'di dag mthong ba yi/ / mkhas pas tshul khrims bsrung bar bya// lus la yongs su gdung med par// tshul khrims kyis ni bde ba 'thob// mtshan mo bde bar nyal ba dang // sad pa na yang dga' bar 'gyur// sbyin
iiif viewer powered by OpenSeadragon
Texts on this page
Q992 - ched du brjod pa'i tshoms