rKTs

e-texts navigator

Volume

Page

194b₁ zag pa 'di dag yongs su ma zad de zhes de la rgol ba'i mtshan ma de yang dag par rjes su mi mthong ngo / / de bzhin gshegs pas mtshan ma yang dag par rjes su mi mthong bas bde ba thob cing mi 'jigs pa thob par gnas shing /
194b₂ khru mchog gi gnas su dam bcas te/ 'khor gyi nang du song nas seng ge'i sgra yang dag par sgrog cing dge sbyong dang bram ze 'am/ sus kyang chos dang 'thun par 'jig rten du ma bskor ba'i tshangs pa'i 'khor lo rab tu bskor ba ste/ 'di dag ni
194b₃ mi 'jigs pa bzhi'o/ / de la de bzhin gshegs pa'i so so yang dag par rig pa bzhi gang zhe na/ 'di lta ste/ don so so yang dag par rig pa dang / chos so so yang dag par rig pa dang / nges pa'i tshig so so yang dag par rig pa dang / spobs//
194b₄ pa so so yang dag par rig pa ste/ 'di dag ni so so yang dag par rig pa bzhi'o// de la sangs rgyas kyi chos ma 'dres pa bcwa brgyad gang zhe na/ de bzhin gshegs pa la 'khrul pa med pa dang ca co med pa dang / bsnyel ba med pa dang / samra
194b₅ mnyam par ma bzhag pa med pa dang / tha dad pa'i 'du shes med pa dang / so sor ma brtags pa'i btang snyoms med pa dang / 'dun pa nyams pa med pa dang / brtson 'grus nyams pa med pa dang / dran pa nyams pa med pa dang / ting nge 'dzin
194b₆ mas pa med pa dang / shes rab nyams pa med pa dang / rnam par grol ba nyams pa med pa dang / rnam par grol ba'i ye shes mthong ba nyams pa med pa dang / 'das pa'i dus la ye shes mthong ba chags pa med cing thogs pa med pa
194b₇ dang / ma 'ongs pa'i dus la ye shes mthong ba chags pa med cing thogs pa med pa dang / da ltar byung ba'i dus la ye shes mthong ba chags pa med cing thogs pa med pa dang lus kyi las thams cad ye shes sngon du 'gro zhing ye shes kyi
194b₈ rjes su 'brang ba dang / ngag gi las thams cad ye shes sngon du 'gro zhing ye shes kyi rjes su 'brang ba dang / yid kyi las thams cad ye shes sngon du 'gro zhing ye shes kyi rjes su 'brang ba ste/ 'di dag ni sangs rgyas kyi chos ma 'dres

_{iiif viewer powered by OpenSeadragon}

194a - 195a

Texts on this page