rKTs

e-texts navigator

Volume

Page

194a₁ so zhes rgya cher sbyor ro/ / yang dag pa'i shes rab kyi zag pa rnams zad nas zag pa las sems rnam par grol ba yang dag pa ji lta ba bzhin rab tu mkhyen te/ dge slong dag 'di dag ni de bzhin gshegs pa'i stobs
194a₂ bcu'o/ / de la de bzhin gshegs pa'i mi 'jigs pa bzhi gang zhe na/ 'di la bcom ldan 'das kyis yang dag par rdzogs pa'i sangs rgyas so zhes bdag nyid zhal gyis 'che ba la 'dir lha dang bcas pa dang bdud dang
194a₃ bcas pa dang / tshangs pa dang bcas pa dang / dge sbyong dang bram zer bcas pa dang / lha dang mi dang lha ma yin du bcas pa'i skye dgu las gang gis kyang khyod kyis chos 'di dag mngon par rdzogs par sangs ma rgyas so/
194a₄ zhes de la rgol ba'i mtshan ma de yang dag par rjes su mi mthong ngo // de bzhin gshegs pas mtshan ma yang dag par rjes su mi mthong bas bde ba thob cing mi 'jigs pa thob par gnas shing khyu mchog gi gnas su
194a₅ dam bcas te/ 'khor gyi nang du song nas seng ge'i sgra yang dag par sgrog cing dge sbyong dam/ bram ze'am sus kyang chos dang 'thun par 'jig rten du ma bskor ba'i tshangs pa'i 'khor lo rab tu bskor ba dang / yang gang
194a₆ ngag de bzhin gshegs pas bar du gcod pa'i chos su gsungs pa de dag bsten kyang bar du gcod par mi 'gyur ro zhes 'dir de la zhes bya bar rgyas par sbyar ba dang / gang yang 'dis 'phags pa nges par 'byung ba'i lam/
194a₇ bsten pa de dag bstan pa de// bsten kyang sdug bsngal yang dag par zad par bya ba'i phyir nges par 'byung ba ma yin no zhes gang yang 'dir de la zhes bya bar rgyas par sbyar ba dang / zag pa zad do zhes bdag nyid zhal
194a₈ gyis 'che ba la 'dir lha dang bcas pa'i dang / bdud dang tshangs par bcas pa dang tshangs pa dang bcas pa'i 'jig rten dang / dge sbyong dang bram zer bcas pa dang lha dang mi dang lha ma yin du bcas pa'i skye dgu las gang gis kyang

_{iiif viewer powered by OpenSeadragon}

193b - 194b

Texts on this page