rKTs

e-texts navigator

Volume

Page

174a₁ bram ze lnga brgya la bu lnga brgya btsas de de dag rim bzhin du bu char skyes pa dang / rab mthong la sogs pa lnga brgya lhan cig tu rig pa dag slob pa na/ rab mthong la sogs pa rig pa'i gnas thams cad kyi pha rol
174a₂ tu son cing thams cad rdzogs par yang dag par byang bar gyur la/ bsod nams kyi tshogs yang dag pa las byung ba'i spyod pa mtshungs pa med pa stong phrag brgya snyed thob ste/ dbang byed pa gang gis dus su bram ze sa nab gcig yul
174a₃ dbus nas 'ongs te phyin nas phrad pa dang / de la gsod por smras te gtam dag kyang byas nas nges par gang nas 'ongs pa yin zhes dris pa dang / des smras pa yul dbus nas 'ongs pa yin te de yang grong khyer chen po drug
174a₄ go/ / de'i nang dag na chad ma drug la mkhas shing ltas kyi bya ba drug pa thogs pa med par brjod nus pa'i ston pa bcwa brgyad yod de de na chu klung yang 'bab bo// de ma yin pa bsod nams chen po dang ldan pa/ dge zhing shis pa/ 'jig
174a₅ rten thams cad mkhyen pa/ bcom ldan 'das kyang de na'o zhes bya ba dang / rab mthong gis sgra de thos pa dang / baspu langs yid g.yos rab tu dga' ste/ der 'gro'o snyam nas/ pha'i gan du song ste/ phyin nas yab bdag ni yul
174a₆ dbus su mchi'o/ / de nas mu stegs bdag las rgyal bar bgyi'o// mkhas par bgrangs pa dag dang nges par lhan cig smra bar bgyi'o zhes gsol pa dang / phas de ltar gnang do de nas bsod nams chen po sbyin pas dbang phyug
174a₇ chen po dang ldan pa/ sems can thams cad la gdo chen po can de lha dag gis bsrungs pa zhig pas lgad gnye bar 'ong zhing sngon du 'gro ste/ rab mthong chen po la mchod pa byos shig dang / phan yon mang po dag gis 'bras
174a₈ bu chen po 'byung bar 'gyur ro zhes sgra sgrogs shing song ba dang / rim gyis lha dang mis mchod pa byas shing mnyan yod du phyin no// de nas lam gyis dub pa rta bstes te bcom ldan 'das ga la ba der song ste phyin nas bcom ldan

_{iiif viewer powered by OpenSeadragon}

173b - 174b

Texts on this page