| e-texts navigator |
| བོད་ཡིག |
152b1 can dmyal ba rnams kyi tshe'i tshad ni de lta bur brtses pa'i lo bzhi stong thub ste/ de mi'i lter brtsis na lo bye ba phrag sa ya gnyis dang / bye ba phrag dgu 'bum bzhi khri bzhi stong dang / bye ba phrag brgyad yod de/ bar ma dor 'chi ba ni
152b2 yod do/ / de nas bcom ldan 'das kyis de'i tshe tshigs su bcad de bka' stsal pa/ 'jigs su rung la drag shul can// lag pa gnyis na khrag gis bsdus// sdig pa'i las ni spyad pa yis/ rtan tu ngu 'bod 'gro bar 'gyur/
152b3 gzhal lugs g.yo nga spu byed mi// skye bo dag ni yid phyung bas// 'jigs su rung ba'i sgra 'byin cing // yun ring du ni 'bod sreg 'gyur// dge slong dag mi rnams kyi lo brgyad brgya gang yin pa de 'phrul dga'i lha rnams kyi nyin
152b4 zhag gcig go/ / nyin zhag de sum bcu la zla ba gcig/ zla ba bcu gnyis lalo gcig ste/ 'phrul dga'i lha rnams kyi tshe'i tshad ni lo de lta bur brtsis pa'i lo brgyad stong thub ste/ de mi'i ltar brtsis na lo bye ba pha gnyis brgya sum
152b5 bcu dang / los ya phrag bzhi yod de/ bar ma dor 'chi ba ni yod do// de ni sems can dmyal ba chen po ngu 'bod chen po'i nyin zhag gcig go/ nyin zhag de sum bcu la zla ba gcig/ zla ba bcu gnyis la lo gcig ste sems
152b6 can dmyal ba chen po ngu 'bod chen po'i sems can dmyal ba rnams kyi tshe'i tshad ni lo de lta bur brtsis pa'i lo brgyad stong yod do/ / de mi'i ltar brtsis na lo bye ba phrag sa ya gsum dang / bye ba phrag lnga 'bum khri nyis stong drug
152b7 curtsa drug yod de/ bar ma dor 'chi ba ni yod do// de nas bcom ldan 'das kyis de'i tshe tshigs su bcad de bka' stsal pa/ blta ba'i thibs pos khebs gyur cing // sred pa'i g.yog pas g.yogs pa dag/ sdig pa'i chos
152b8 ni spyod pa yis/ / ngu 'bod dag tu skye bar 'gyur/ yid gtsugs nyams pa'i mi dag ni// ba spu slong zhing 'bar ba yis// bskor ba'i khyim gyi nang chud nas// ngu 'bod chen por sreg par 'gyur// gtams pa brnogs pa'i mi dag ni// ral gri yis ni
iiif viewer powered by OpenSeadragon
Texts on this page
Q973 - tshe'i mtha'i mdo