| e-texts navigator |
| བོད་ཡིག |
139b1 rnam par grol ba'i ye shes mthong ba las skyes pa/ byams pa dang / snying rje dang / dga' ba dang / btang snyoms las skyes pa/ sbyin pa dang / dul ba dang / yang dag par sdom pa las skyes pa/ dge ba bcu'i las kyi lam la
139b2 skyes pa/ bzod pa dang nges pa las skyes pa/ brtson 'grus brtan pa'i dge ba'i rtsa ba las skyes pa/ bsam gtan dang / rnam par thar pa dang / ting nge 'dzin dang snyoms par 'jug pa las skyes pa/ thos pa dang / shes
139b3 rab dang / thabs las skyes pa/ byang chub kyi phyogs kyi chos sum bcu rtsa bdun las skyes pa/ zhi gnas dang / lhag mthong las skyes pa/ stobs bcu las skyes pa/ mi 'jigs pa bzhi las skyes pa/ sangs rgyas kyi chos ma
139b4 'dres pa bcwa brgyad las skyes pa/ pha rol tu phyin pa thams cad las skyes pa/ mngon par shes pa dang / rig pa las skyes pa/ mi dge ba'i chos thams cad spong ba las skyes pa/ dge ba'i chos thams cad yang dag par/ sdud pa
139b5 las skyes pa/ bden pa las skyes pa/ yang dag pa nyid las skyes pa/ bag yod pa las skyes pa'o// grogs po dag de bzhin gshegs pa'i sku ni dge ba'i las tshad med pa las skyes pa ste/ khyod kyis de lta bur skal mos pa
139b6 bskyed par bya'o zhes gsungs so/ / dbang phyug gi gnas rnyed na yang sus kyang log par bsgrub par mi bya ste/ yang dag par ba sgrub pa la nan tan du bya'o// de la yang nan tan du bya'o// de la yang dag par bsgrub pa ni bden pa'i le'u
139b7 las 'byung ba skye dgu bskyed pa la brtson pa'i chos kyi rgyal pos 'du shes la gnas pa brgyad kyis mang du gnas par bya'o/ / brgyad gang zhe na/ skye dgu'i ris su gtogs pa'i sems can rnams la bu'i 'du shes dang /
139b8 mi srun pa rnams la nad pa'i 'du shes dang / sdug bsngal ba rnams la snying rje'i 'du shes dang / bde ba rnams la dga' ba'i 'du shes dang / mi mdza' ba rnams la de'i gzhi la nyes par lta ba'i 'du shes dang / mdza'
iiif viewer powered by OpenSeadragon
Texts on this page
Q972 - rnam par grol ba'i lam las sbyangs pa'i yon tan bstan pa zhes bya ba