rKTs

e-texts navigator

Volume

Page

128b₁ bu ni phreng ba can no/ khre bo ma'i bu ni bzang len no// bdud rtsi ma'i bu ni dge 'phel lo// bcom ldan 'das kyi sras ni sgra gcan 'dzin yin te/ go ta ma dag mang pos bkur gyi rgyud tsha dang ldan pa sgra gcan 'dzin du rdzogs srid pa'i brang chung chad/
128b₂ 'khor ba zad de ni yang srid pa med do// de nas bcom ldan 'das kyis tshe dang ldan pa mod gal gyi bu chen po'i gtam rdzogs par mkhyen nas bzhengs te bzhugs so// bzhugs nas tshe dang ldan pa maud gal gye bu chen po la bka' stsal pa/ mod
128b₃ gal gyi bu legs so legs so/ / maud gal gyi bu khyed kyis dge slong rnams kyi mdun du shAkya rnams kyi sngon gyi rigs rgyud las brtsams nas chos kyi gtam smras pa yang khyod legs so// maud gal gyi bu yang khyod kyis shAkya rnams kyi sngon gyi rigs chud
128b₄ las brtsams te chos kyi gtam rtag tu smros shig dang / des ni de rnams la yun ring po'i don dang phan pa dang bde bar gyur to// de nas bcom ldan 'das kyis dge slong rnams la bka' stsal pa/ dge slong dag khyed kyis shAkya rnams kyi sngon gyi rigs rgyud las brtsams pa'i chos kyi
128b₅ gtam chongs shig/ zung shing / lhogs shig/ de ci'i phyir zhe na/ dge slong dag shAkya rnams kyi sngon gyi rigs rgyud la brtsams pa'i chos kyi gtam ni den dang ldan chos dang ldan pa nas tshangs par spyod pa'i bar dang ldan pa yin te/ dge slong dag rigs kyi bu dad pas rab tu byung /
128b₆ bas shAkya rnams kyi sngon gyi rigs rgyud las brtsams pa'i chos kyi gtam gzung zhing bklags pa'i rig so// de nas ser skya'i bzhi'i shAkya rnams bcom ldan 'das kyis gsungs pa la mngon par dga' ste/ rjes su yi rang nas bcom ldan 'das kyi zhabs gnyis la
128b₇ mgo bos phyag byas te bcom ldan 'das kyis spyan snga nas dong ngo / / de'i tshe grong khyer ser skya'i gzhin rgyal po seng ge 'gram zhes bya ba rgyal srid byed du 'dug ste/ 'byor pa dang / rgyas pa dang / bde ba dang / lo legs pa// skye bo dang mi mang pos gang ba/ 'thab
128b₈ ba dang / thab mo dang / rtsod pa dang / 'gyed pa dang / chom rkun med cing nad rab tu zhi bar gyur pa/ 'bras dang // bu ram shing gi pred dang / ba lang dang / ma he phun sum tshogs pa na bu gcig pa la sdug pa bzhin du rgyal srid stong bar bye// grong khyer lhas bstan du rgyal

_{iiif viewer powered by OpenSeadragon}

128a - 129a

Texts on this page