| e-texts navigator |
| བོད་ཡིག |
275a1 rta dang / b.lang dang / sug dang / phyagag dang / bgags sang nang na dang / 'bru dang / 'gron bu dang / gsang byas stong la/ bran dang / bran mo dang las byed pa dang / no shas 'tshe ba dag dang / skyes pa dang / bud med dang /
275a2 khye'u dang / bu mo dag gis stong yang 'di na 'di lta ste/ dge slong gi dge 'dun kho na'am/ de las kha cig la brten nas mi stong pa yang yod do// kun dga' bo de bzhin du gang la gang med pa de des stong ngo zhes bya bar yang dag par
275a3 rjes su mthong yang / de la lhag ma gang yod pa de de la yod do zhes bya bar yang dag pa ji lta ba bzhin du rab tu shes te/ kun dga' bo stong pa nyid la 'jug pa 'di ni yang dag pa ji lta ba bzhin te byin ci ma log pa yin no// kun dga'
275a4 bo de lta bas na dge slong yang kye ma bdag stong pa nyid kyis lan mang du gnas par bya'o/ / zhes 'dod par gyur na/ kun dga' bo dge slong des grong du 'du shes pa dang / mir 'du shes pa yid la mi bya bar dgon par 'du shes pa 'am/
275a5 de las kha cig yid la bya'o// de 'di snyam du sems te 'du shes kyi rnam pa 'di lta ste/ grong du 'du shes pa dang / mir 'du shes pas stong yang 'di la 'di lta ste/ dgon par 'du shes pa kho na'am/ de las kha cig la brten nas
275a6 mi stong pa yang yod do snyam mo/ / de la grong du 'du shes pa dang / mir 'du shes pa la brten pa nyon mongs pa'i gnas gang dag yin pa de dag med kyang de la 'di lta ste/ dgon par 'du shes pa kho na'am de las kha cig brten
275a7 pa tsam gyi nyon mongs pa'i gnas ni yod do/ / kun dga' bo de lta bas na gang la gang med pas de des stong ngo zhes bya bar yang dag par rjes su mthong yang / de la lhag ma gang yod pa de la yod do zhes bya bar yang dag pa
275a8 ji lta ba bzhin tu rab tu shes te/ kun dga' bo stong pa nyid la 'jug pa 'di ni yang dag pa ji lta ba bzhin te/ phyin ci ma log pa yin no// kun dga' bo gzhan yang dge slong zhig kye ma bdag stong pa nyid kyis lan
iiif viewer powered by OpenSeadragon
Texts on this page
Q956 - mdo chen po stong pa nyid ces bya ba