rKTs

e-texts navigator

Volume

Page

267b₁ shes par bya ba 'das pa dang / ma 'ongs pa dang / da ltar byung ba'i chos gang dag yin pa 'di dag la/ rtag pa nyid dam/ brtan pa nyid dam/ ther zug nyid dam/ de bzhin nyid dam/ ma nor ba de bzhin nyid dag gzhan pa
267b₂ yin pa de bzhin nyid dam/ yang dag pa nyid dam/ bden pa nyid dam/ de kho na nyid dam/ ji lta ba bzhin nyid dam/ ma nor ba nyid dam/ phyin cim log pa de bzhin nyid med de/ gsog kyang de nyid yin la/ gsob kyang
267b₃ de nyid yin/ snying po med pa yang de nyid yin/ brdzun pa yang de nyid yin/ slu bar chos can kyang de nyid yin/ bdud kyang de nyid yin/ bdud kyi yo byad kyang de nyid yin/ ro yang de nyid yin/ ro'i gzugs
267b₄ kyang de nyid yin pas de la ni mngon par dga' bar bya ba 'am/ mngon par brjod par bya ba 'am/ lhag par chags par bya ba 'am/ lhag par chags shing gnas par bya bar mi rigs kyi/ bcom ldan 'das
267b₅ kyis gsungs pa 'phags pa 'jig rten las 'das pa ni bden no zhes de ltar so sor rtog par byed do/ / des de ltar shes nas yid kyis rnam par shes par bya bar 'das pa dang / ma 'ongs pa dang / da ltar/
267b₆ byung ba'i chos rnams nang du yang dag par rjes su mthong / 'bras dang / zug rngu dang / sdig pa dang / mi rtag pa dang / sdug bsngal ba dang / stod pa dang / bdag med par yang dag par rjes su mthong ngo // des yid kyis/
267b₇ rnam par shes par bya ba 'das pa dang / ma 'ongs pa dang / da ltar byung ba'i chos rnams nang du yang dag par rjes su mthong zhing 'bras dang / zug rngu dang / sdig pa dang / mi rtag pa dang / sdug bsngal ba dang / stong pa dang /
267b₈ bdag med par yang dag par rjes su mthong ba na/ de'i yid kyis rnam par shes par bya ba 'das pa dang / ma 'ongs pa dang / da ltar byung ba'i chos dag la log par mos pa 'am/ 'du shes phyin ci log gam

_{iiif viewer powered by OpenSeadragon}

267a - 268a

Texts on this page