| e-texts navigator |
| བོད་ཡིག |
266b1 ma yin pa'i btang snyoms su gnas te/ dge sbyong dang / bram ze 'di bden no snyam du mngon par zhen cing mchog tu 'dzin pa'i tshogs kyi mdud pas kun nas sun phyung ba/ nga rgyal gyi kun du sbyor ba dang
266b2 ldan pa de dag kyang bdud sdig can ji ltar 'dod pa bzhin byed du 'jug pa yin no/ / dge slong dag 'di lta ste/ dper na skyes bu zhig gis rin po che'i za ma tog yin par sems shing sbrul gyi za ma tog
266b3 blangs te grong khyer kun tu 'bar ba nas 'bros par byed cing / de des mngon par dga' bar byed la de la nyes dmigs su ma mthong ba las gang gi tshe so sor rtog par byed pa na 'di ni sbrul gyi za ma tog
266b4 yin gyi/ 'di ni rin po che'i za ma tog ma yin no zhes shes par gyur pa'i de'i tshe/ de des gdung bar byed/ ngo tsha bar byed/ gnod par byed cing rnam par spyod par byed do// dge slong dag de bzhin
266b5 du 'phags pa nyan thos thos pa dang ldan pa yang 'phags pa'i 'jig rten las 'das pa'i shes rab 'di nyid thob nas sngon gyi byis pa'i spyod pa dang / rmongs pa'i spyod pa dang // shes rab
266b6 'chal ba'i spyod pa des gdung bar byed/ ngo tsha bar byed/ gnod par byed cing rnam par spong bar byed la/ de 'di snyam du sems te/ bdag gis ni mngon mi rtag pa kho na la rtag par bsams
266b7 shing / bdag gis sdug bsngal ba kho na la ni bde bar bsams/ bdag gis mi gtsang ba kho na la ni gtsang bar bsams/ bdag gis bdag med pa kho na la ni bdag tu bsams te/ de ltar bdag
266b8 ni sngon mi rtag pa la rtag par 'du shes pa dang / sdug bsngal ba la bde bar 'du shes pa dang / mi gtsang ba la gtsang bar 'du shes pa dang / bdag med pa la bdag tu 'du shes par gyur to snyam
iiif viewer powered by OpenSeadragon
Texts on this page
Q954 - mdo chen po sgyu ma'i dra ba zhes bya ba