| e-texts navigator |
| བོད་ཡིག |
252b1 dge slong dag dge sbyong ngam bram ze gang dag kha cig mig gis rnam par shes par bya ba'i gzugs 'di dag nyid bden pa dang gnas pa'i sgo nas ma mthong zhing ji ltar rang rang log par mos pa dag la nan gyis bzung
252b2 ste/ mngon par zhen par byas nas 'di nyid bden gyi gzhan ni brdzun pa'o// zhes rjes su tha snyad 'dogs par byed pa de dag ni mig gis rnam par shes par bya ba'i gzugs btang snyoms kyi gnas lta bu dag la
252b3 so sor brtags pa ma yin pa'i btang snyoms su gnas te/ dge sbyong ngam bram ze 'di bden no snyam du mngon par zhen cing mchog tu 'dzin pa'i tshogs kyi mdud pas kun nas sun phyung ba/ nga rgyal gyi kun tu
252b4 sbyor ba dang ldan pa de dag kyang bdud sdig can ji ltar 'dod pa bzhin byed du 'jug pa yin no/ / dge slong dag 'di lta ste/ dper na mi smyon pa sems g.yengs pa na gcer bur de dang de dag tu 'khyam par byed cing / de
252b5 des mngon par dga' bar byed la/ de la nyes dmigs su ma mthong ba las gang gi tshe des rang gi sems phyir thob pa de'i tshe de mngon gyi smyon pa'i spyod pa dang / sems g.yengs pa'i spyod pa dang / gcer bu'i spyod
252b6 bapapa des gdung bar byed/ ngo tsha bar byed/ gnod par byed cing / rnam par smod par byed do dge slong dag de bzhin du 'phags pa nyan thos thos pa dang ldan pa yang / 'phags pa'i 'jig rten las 'das pa'i shes rab
252b7 'di nyid thob nas sngon gyi byis pa'i spyod pa dang / rmongs pa'i spyod pa dang / shes rab 'chal ba'i spyod pa des gdung bar byed ngo tsha bar byed// gnod par byed cing / rnam par smod par byed la/ de 'di snyam du sems te/
252b8 bdag gis ni sngon mi rtag pa kho na la rtag par bsams shing / bdag gis sdug bsngal kho na la ni bde bar bsams// bdag gis mi gtsang ba kho na la ni gtsang bar bsams/ bdag gis
iiif viewer powered by OpenSeadragon
Texts on this page
Q954 - mdo chen po sgyu ma'i dra ba zhes bya ba