rKTs

e-texts navigator

Volume

Page

252a₁ gnas lta bu dag tu 'gyur zhing / dus la lar na yad me bde ba'i gnas lta bu dag tu 'gyur/ dus la lar ni btang snyoms kyi gnas lta bur dag tu 'gyur te/ dge slong dag de ltar na 'di la sems can nang/
252a₂ yun ring po nas sems kyis bsgribs shing / sems kyis brid/ sems kyis bslus nas nyes dmigs su mi mthong zhing / nges par 'byung ba rab tu mi shes te/ bdud sdig can ji ltar 'dod pa bzhin byed du 'jug go/
252a₃ dge slong dag dge sbyong ngam/ bram ze gang dag kha cig mig gis rnam par shes par bya ba'i gzugs 'di dag nyid bden pa dang gnas pa'i sgo nas ma mthong zhing / ji ltar rang rang log par mos pa dag la nan gyis bzung
252a₄ ste/ mngon par zhen par byas nas 'di nyid bden gyi gzhan ni brdzun pa'o zhes tha snyad du 'dogs par byed pa de dag ni mig gis rnam par shes par bya ba'i gzugs yid bde ba'i gnas lta bu dag la rjes su chags shing
252a₅ gnas te/ dge sbyong dang bram ze brnab sems kyi tshogs kyi mdud pas kun nas sun phyung ba// rjes su chags pa'i kun du sbyor ba dang ldan pa de dag kyang bdud sdig can ji ltar 'dod pa bzhin byed du 'jug pa yin no// dge
252a₆ slong dag dge sbyong ngam/ bram ze gang dag kha cig mig gis rnam par shes par bya ba'i gzugs 'di dag nyid bden pa dang gnas pa'i sgo nas ma mthong zhing ji ltar rang rang log par mos pa dag la nan gyis bzung
252a₇ ste/ mngon par zhen par byas nas 'di nyid bden gyi gzhan ni brdzun pa'o zhes rjes su tha snyad 'dogs par byed pa de dag ni mig gis rnam par shes par bya ba'i gzugs yid mi bde ba'i gnas lta bu dag la khong khro ba dang /
252a₈ ldan par byas te/ dge sbyong dang bram ze gnod sems kyi tshogs kyi mdud pas kun nas sun phyung ba/ khong khro ba'i kun tu sor ba dang ldan pa de dag kyang bdud sdig can ji ltar 'dod pa bzhin du byed du 'jug pa yin no//

_{iiif viewer powered by OpenSeadragon}

251b - 252b

Texts on this page