| e-texts navigator |
| བོད་ཡིག |
48a1 'gyod pa bsal to// 'gyod pa bsal ba des kyang zhag bdun du sbyin pa byin zhing bcings pa thams cad kyang rab tu thar bar byas so// de sbyin pa byin te zhag bdun po de dag 'das nas srog chags rtse
48a2 ba phrag bdun dang lhan cig tu chos mnyan pa'i phyir bcom ldan 'das kyi thad du lhags so/ / rigs kyi bu bcu po khyim na gnas pa'i skyon khas blangs pa bstan pa 'di las phyir dong ba de dag kyang 'khor de nyid
48a3 du lhags so/ / de nas byang chub sems dpa' sems dpa' chen po bag tsha ba med par gnas pa zhes bya ba gzungs thob pa/ bskal pa grangs med par rjes su mthun pa'i chos kyi bzod pa dang ldan pa mi skye
48a4 ba'i chos la bzod pa thob pa/ spobs pa sna tshogs pa/ ye shes kyi sgo dang chos kyi sgo/ thams cad sgrub pa la mkhas pa/ chos bshad pa'i phyir sems can rnams kyi bsam pa dang / lhag pa'i bsam pa dang /
48a5 mos pa la mkhas pa zhig kyang 'khor de nyid du 'ongs so// de nas byang chub sems dpa' sems dpa' chen po bag tshab med par gnas bstan las langs te/ chos gos phrag pa cig tu gzar nas pus mo g.yas
48a6 pa'i lha nga sa la btsugs te/ bcom ldan 'das ga la ba de logs su thal mo sbyar ba btud nas/ bcom ldan 'das la 'di skad ces gsol to// bcom ldan 'das rigs kyi bu bcu po 'di dag ni dgung lo bdun du gzungs
48a7 kyi don la brtson par gyur na de dag bsam pa ma grub cing bstan pa 'di la sa slar mchis pa khyim na gnas par g.yar gyis blangs pa lags na/ de'i slad du bcom ldan 'das kyis rigs kyi bu de dag la ci nas myur ba la
48a8 nar ye shes thob par 'gyur ba de ltar legs par lung dpog par mdzad du gsol/ de nas bcom ldan 'das kyis byang chub sems dpa' sems dpa' chen po bag tsha ba med par gnas pa la 'di skad ces
iiif viewer powered by OpenSeadragon
Texts on this page
Q942 - 'phags pa sangs rgyas mi spang pa zhes bya ba theg pa chen po'i mdo