| e-texts navigator |
| བོད་ཡིག |
99b1 gang dag sngon na pha rol byin// spyod pa spyod cing spyod 'gyur ba// de dag nyan thos chos rnams la// nam yang dga' bar mi bya ste// sangs rgyas chos las nyams 'gyur ba'i// ltung ba gnyis pa gzhan med de/ de ni yang dang yang du
99b2 yang / gnyi gar sems ni 'jug pa yini// khro dang nyan thos chos rnams dang // rkyen gyi byang chub 'jug pa yin// chos gsum rnam par spangs pas na// sangs rgyas chos rnams rdzogs par 'gyur// skye gnas bzhi ldan sem
99b3 can 'di/ / sangs rgyas zhing 'dir lhags pa dag/ thams cad 'dod pa rten mi byed// thams cad mi sdug thob pa yin// 'di na sems can mkhas pa gang // byang chub mchog gi phyir zhugs shing // gang blo gzungs dang bzod pa
99b4 la/ / brtson zhing legs par goms byas la// dbang po drug gi sgo bsdams shing// dkyil mo dkrung gis dran bzhag nas// rang gi spyod yul sa non pa// phyi ma'i dus kyi de bzhin gshegs// nor bdun rab tu rdzogs pa'ang yin//
99b5 'dir ni mi sdug tshul bshad na// kun bzhi gang yin sems can gyi// 'ching ba brtan pa 'dir bshad 'gyur// ngas ni chos kyi sar sna spangs// sems can srung phyir ma bshad de// byang chub phyir sems 'dir ma btang // phyog
99b6 bcu'i sangs rgyas de dag gis/ / chos 'di yun ring gnas bya zhes// sa 'di yongs su spyad mdzad cing // sa 'di byin gyis brlabs pa yin// de bzhin du ni khyod kyis kyang // zhing 'di la ni brtse bar byos//
99b7 de bzhin bzod pa dag gis rtses// bsdam nas yun ring gnas par byos// nyan thos theg pa ngas bshad de// sems can chags las thar bya zhing // phung po dag dang khams rnams dang // skye mched stong pa ngas
99b8 bshad de/ / zhi gnas rnam pa bcu gsum dang // lhag mthong nga yi bshad bya ste// 'dod pa'i 'ching bas dam bcings pa'i// sems can de yis rnam dag 'gyur// sems can rnams la snying brtsebs// nyan
iiif viewer powered by OpenSeadragon
Texts on this page
Q923 - 'phags pa shin tu rgyas pa chen po'i sde nyi ma'i snying po zhes bya ba'i mdo