| e-texts navigator |
| བོད་ཡིག |
324a1 gdon mi za bar 'gyur ba da ltar chos bshad do/ / gang rta lnga brgya pa de dag 'dul zhing 'tshe bar gyur pa de yang de bzhin gshegs pas sems shin tu dul ba zhes bya ba'i rang sangs rgyas su lung bstan to// yang
324a2 rigs kyi bu de bzhin gshegs pa'i zhal zas ni mchog tu mi 'gyur ba chung zad kyang med/ rigs kyi bu gal te bong ba dang / gseg ma dang gyo mo gsol yang stong gsum gyi stong chen po'i 'jig rten gyi khams na de 'dra ba'i ro bro
324a3 ba mchog med de/ gang bod pa dang / gseg ma dang / gyo mo las gyur pa de 'dra bar ro'i mchog tu 'gyur ba de lta bu'ang med de/ de ci'i phyir zhe na/ de ltar des na ro bro ba'i mchog ces bya ba'i skyes bu chen po'i mtshan
324a4 thob pa'i phyir ro/ / rigs kyi bu rnam grangs des kyang de bzhin gshegs pa'i zhal zas thams cad mchog yin par shes par bya'o// rigs kyi bu gnas brtan dga' bos de bzhin gshegs pa ni 'khor los sgyur
324a5 ba'i ming bor te nas gsol bar gyur to/ / zhes snying rje bar gyur pa dang / de bzhin gshegs pas de'i sems la rtags nas nas kyi 'brum bu gcig byin te// dga' bo 'di ci'i ro shes sam zhes
324a6 byas pa dang / des zos nas ngo mtshar thob par gyur te/ nga la 'di skad ces smras so// bcom ldan 'das bdag ni rgyal po'i pho brang du skyes/ rgyal po'i pho brang du skyes na 'di lta bu ro mchog sngon 'tshal ma myong ngo //
324a7 zhes tshe dang ldan pa dga' bos de'i mthus dga' zhing bde ste/ zas med par nyi ma bdun 'das so// rigs kyi bu khyod kyis rnam grangs des kyang de bzhin gshegs pa la ni gang na yang las kyi sgrib pa med par shes
324a8 par bya ste/ yang sems can gang tshul khrims dang ldan pa'i dge slong dag 'gron du gnyer nas sbyin par mi byed pa'i sems can dag ji ltar smras pa de bzhin du byed par bstan pa'i phyir las kyi rgyud 'di dag bstan to//
iiif viewer powered by OpenSeadragon
Texts on this page
Q927 - 'phags pa thabs mkhas pa zhes bya ba theg pa chen po'i mdo