rKTs

e-texts navigator

Volume

Page

301b₁ gsol pa dang / bcom ldan 'das kyis byang chub sems dpa' sems dpa' chen po ye shes bla la 'di skad ces bka' stsal to// rigs kyi bu byang chub sems dpa' so sor thar pa'i bslab pa bslob pa na bskal pa brgya stong
301b₂ du yang rtsa ba dang 'bras bu za bar 'gyur la sems can thams cad kyis snyan par smra ba dang / mi snyan par smra ba yang bzod cing nyan thos dang rang sangs rgyas yid la byed pa yang ldan par gnas pa de ni byang chub sems dpa'i ltung ba'i
301b₃ rtsa ba lci ba yin no/ / rigs kyi bu 'di lta ste dper na/ nyan thos kyi theg pa la gnas pa ltung ba'i rtsa ba byung na phung po de nyid kyis yongs su mya ngan las 'da' ba'i skal pa med pa de bzhin du rigs kyi bu byang chub sems dpa' yang
301b₄ ltung ba ma mthol zhing nyan thos dang / rang sangs rgyas yid la byed pa ma gtang na sangs rgyas kyi sar yongs su mya ngan las 'das pa'i skal ba med do// de nas bcom ldan 'das la tshe dang ldan pa dga' bos 'di skad ces gsol to// bcom
301b₅ ldan 'das bdag bsod snyoms kyi phyir mthar gyis spyod pa na byang chub sems dpa' 'od mar ldan gyi rgyal po khang bzhig na bud med dang khri gcig la lhan gcig mchis par mthong ste/ ltung ba byung na mthong nas bcab shig/ tshangs pa dang /
301b₆ mtshungs par spyod pa gzhan dag la zlos shig ces bcom ldan 'das kyis bka' stsal na/ de bzhin gshegs pa ni sems can thams cad kyis ston pa lags te/ de bzhin gshegs pa la cung zad kyang mi mkhyen pa'am/ ma gzigs
301b₇ pa'am/ thugs su ma chud pa ma mchis pa de'i slad du bdag bcom ldan 'das la gsol lo zhes tshe dang ldan pa dga' bos de skad kyi tshig spras nas ring po ma lon par de nas de'i mod las g.yos par gyur to// de nas byang chub sems
301b₈ dpa' 'od mar ldan gyi rgyal po shing ta la gang tsam steng gi bar snar la 'dug nas tshe dang ldan pa dga' bo la 'di skad ces smras so/ / tshe dang ldan pa dga' bo de ji snyam du sems/ lhung ba byung ba'i chos can gyis par snang la 'dug par

_{iiif viewer powered by OpenSeadragon}

301a - 302a

Texts on this page