rKTs

e-texts navigator

Volume

Page

301a₁ bcom ldan 'das de 'dra bar thabs mkhas te sbyin pa gang gis sems can gzhan dag 'khor ba yongs su len par bgyid pa'i sbyin pa de nyid kyis byang chub sems dpa' sems dpa' chen po sangs rgyas kyi chos
301a₂ rnams len par bgyid pa ngo mtshar to/ / bcom ldan 'das kyis bka' stsal pa/ de de bzhin no// rigs kyi bu ji skad smras pa de bzhin te/ byang chub sems dpa' thabs mkhas pa ni sbyin pa nyung ngu yang mang por byed/ sbyin pa mang po
301a₃ dpag tu med par byed do/ / de nas bcom ldan 'das kyis byang chub sems dpa' sems dpa' chen po ye shes bla la bka' stsal pa/ rigs kyi bu gzhan yang byang chub sems dpa' thabs mkhas pa de ni ltung ba lci ba yang
301a₄ thabs mkhas pas srab mor byed do/ / ji ltar srab mor byed ce na/ rigs kyi bu 'di la byang chub sems dpa' thabs mkhas pas ni nam zhig brgyal la la zhig tu sdig pa'i grogs po'i dbang gis ltung ba byung na de 'di ltar slo ba ste/ ga
301a₅ bdag gi phung po 'di dag gis mya ngan las 'da' bar bya na ni de ltar bdag gis sems can yongs su gdung ba dang ldan par yang 'gyur na/ bdag gi sems can yongs su smin par bya ba'i phyir phyi ma'i mthar thug par 'khor ba na
301a₆ gnas pa'i go cha de lta bu bgos pas bdag gri sems la gdung bzhi mi bya'o/ / byang chub ji lta ji ltar 'khor bar 'gyur ba de lta de ltar sems can yongs su smin par bya'o// ltung ba 'di yang chos bzhin du bya'o// ltung ba gzhan yang
301a₇ ma byung bar bya'o snyam du sems so/ / rigs kyi bu yongs su rtag pa bzung na gal te rab tu byung ba'i byang chub sems dpa' ltung ba'i rtsa ba bzhi po thams cad gnas par gyur kyang thabs mkhas pa 'dis spyod par byed na/ byang chub
301a₈ sems dpa'i ltung bar mi 'gyur bar ngas bshad do/ / de nas bcom ldan 'das la byang chub sems dpa' ye shes blas 'di skad ces gsol to// bcom ldan 'das ji ltar na byang chub sems dpa' ltung ba dang bcas po lags// de sad ces

_{iiif viewer powered by OpenSeadragon}

300b - 301b

Texts on this page