rKTs

e-texts navigator

Volume

Page

18b₁ par zhen pa la lta ba ni so so'i skye bo yongs su smin par bya ba'o/ / chags pa med pa srung ba ni skyon med par mi 'jug pa ste/ de ni tshul lo// rigs kyi bu dag de lta bas na 'jigs par gyis shig/ mngon par dga' ba
18b₂ med par gyis shig/ snying rtse ba med par gyis shig/ snying rje ba med par gyis shig/ gsol pa/ bcom ldan 'das ji ltar na byang chub sems dpa' rnams 'jigs par bgyid pa lags/ ji ltar na mngon par
18b₃ dga' ba ma mchis pa lags/ de ltar na sting brje ba ma mchi pa shas/ ster na sting rje mamachis pa 'gas pa 'as pa gas shes bya ba ni nyan thos dang rang sangs rgyas kyisas 'jigs pa'o// mngon par dga' ba med ces bya ba ni gzum
18b₄ med pa'i snyoms par 'jug pa rnams la dga' ba med pa'o/ / snying brtse ba med pa ni phyi rol gyi dngos po rnams yongs su btang ba la'o// snying rje ba med pa ni nang gi dngos po mgo la sogs pa yongs su btang ba la
18b₅ ste de ni tshul lo/ / rigs kyi bu dag de lta bas na/ bden pa yang khong du chud par gyis shig/ brdzun du smra ba yang ma spang zhig/ gsol pa/ bcom ldan 'das ji ltar na byang chub sems dpa' rnams bden pa khong
18b₆ du chud par bgyid pa lags/ ji ltar na brdzun du smra ba ni mi spong ba lags/ bka' stsal pa/ bden po khong du chud par bya ba ni nyan thos dang rang sangs rgyas 'dul ba'i phyir ro// brdzun du smra ba mi spang ba ni 'dus byas
18b₇ la nye bar spyod pa'i phyir te de ni tshul lo/ / rigs kyi bu dag de lta bas na pha rol tu phyin par bgyis te/ tshu rol gyi dogs la blta bar gyis shig/ pha rol tu phyin par ma byed par pha rol gyi dogs la blta bar gyis shig
18b₈ gsol pa/ bcom ldan 'das ji ltar na byang chub sems dpa' rnams pha rol tu phyin cing tshu rol gyi dogs la blta ba lags/ ji ltar na pha rol tu phyin par mi bgyid cing pha rol gyi dogs la lta ba lags/

_{iiif viewer powered by OpenSeadragon}

18a - 19a

Texts on this page